मुलायमसिंहाना मिळू शकते \'नांगरणारा शेतकरी\' चिन्ह, \'सायकल\' गोठवली तर अमरसिंह करतील मदत

लखनऊ - मुलायमसिंह-अखिलेश या पिता-पुत्रामध्ये सायकल चिन्हावरुन वाद सुरु आहे. दरम्यान, अशी माहिती आहे की दोघांच्या भांडणात निवडणूक आयोगाने चिन्ह गोठविले तर मुलायमसिंहांना 'शेत नांगरणारा शेतकरी' हे त्यांचे बऱ्याच वर्षांपूर्वीचे निवडणूक चिन्ह मिळू शकते. त्यादृष्टीने त्यांची तयारी सुरु झाली आहे. मीडिया रिपोर्टनुसार, सध्या हे चिन्ह लोकदालाकडे आहे. त्याचे राष्ट्रीय अध्यक्ष सुनील सिंह यांच्यासोबत यासंबंधीची चर्चा सुरु आहे. 

 

अमरसिंहानी घडवून आणली लोकदलबसोबत बातचीत 
- सुत्रांची माहिती आहे, की अमरसिंह यांनी लोकदलाचे अध्यक्ष सुनील सिंह यांच्यासोबत चर्चेच्या अनेक फेऱ्या केल्या. 
- मुलायम यांना सायकल चिन्ह मिळाले नाही तर ते त्यांच्या पूर्वीच्या पक्षाच्या चिन्हावर निवडणूक लढण्याची तयारी करीत आहेत. मुलायमसिंहांच्या राजकीय कारकिर्दीची सुरुवात लोकदलातून झाली होती. 
- 1982 मध्ये मुलायम लोकदलाचे अध्यक्ष होते. लोकदलाचे संस्थापक चौधरी चरणसिंह यांचा खरा राजकीय वारसदार मीच असल्याचेही त्यांनी यापूर्वी म्हटले होते. 
- 1985 मध्ये मुलायमसिंहांनी लोकदलाचे 85  उमेदवार निवडून आणले होते. त्यानंतर त्यांना विरोधीपक्ष नेते करण्यात आले होते. 
- अशी माहिती आहे की अमरसिंह यांच्यासोबत शिवपालही सुनिलसिंह यांच्या संपर्कात आहेत. दोघांमध्ये चर्चेच्या अनेक फेऱ्या झाल्या. आता निर्णय मुलायमसिंहांना घ्यायचा आहे.