SKYPEच्या मदतीने रशियातून हॅक होत आहेत देशातील ATM, 4.5 कोटींना चूना

आग्रा- गुजरातमधील सुरत येथील पोलिसांनी सोमवारी आग्र्यातील एका फाइव्ह स्टार हॉटेलवर छापा टाकून एटीएम हॅकर्स गॅंगचा पर्दाफाश केला आहे. पोलिसांनी नऊ हॅकर्सच्या मुसक्या आवळल्या आहेत. धक्कादायक माहिती अशी की, देशातील एटीएम हॅक करणारा एक रशियन नागरिक आहे. तो रशियात बसून SKYPE च्या मदतीने देशातील बॅंकांचे एटीएम हॅक करत होता. हॅकर्सनी आतापर्यंत देशभरातील विविध बॅंकांना सुमारे 4.5 कोटी रुपयांचा चूना लावला आहे.

अनेक शहरात नेटवर्क
इंटरनॅशनल एटीएम हॅकर गॅंगचे उत्तर प्रदेशातील लखनौ, वाराणसी आणि गुजरातमधील सुरतसह देशात अनेक शहरात नेटवर्क आहे. हॅकर्सनी आतापर्यंत देशातील अनेक बॅंकांना चूना लावला आहे. एटीएम हॅक करून रकम काढली जाते. काढलेल्या रकमेतून 60 टक्के रकम हवालाद्वारा रशियात बसलेल्या म्होरक्यापर्यंत पोहोचवली जाते.

एटीएम हॅकर्स गॅंगमध्ये एकूण 15 सदस्य आहे. त्यापैकी नऊ जण जेरबंद असून सहा फरार आहेत. त्यात रशियन म्होरक्याचा समावेश आहे.