Home | National | Rajasthan | Place Of Thieves Where You Can Buy Stolen Vehicles

चोरट्यांचा अड्डा: येथे जायला पोलिसही घाबरतात, 10 लाखांची Suv मिळाली केवळ 1 लाखात

रणजित सिंग चारण, ओम प्रकाश शर्मा | Update - Mar 15, 2016, 07:24 PM IST

राजस्‍थानमधील भरतपूर हे चोरट्यांच्‍या अड्ड्यासाठी कुप्रसिद्ध आहे. येथे चोरट्यांची एवढी दहशत आहे की, पोलिसही येथे कारवाई करण्‍यास घाबरतात. येथील कार चोरट्यांच्‍या नेटवर्कचा खुलासा करण्‍यासाठी भास्‍करचे दोन रिपोर्टर येथे दहा दिवस राहिले.

  • Place Of Thieves Where You Can Buy Stolen Vehicles
    आरोपी सुरेश गुर्जर आणि जय ज्‍यांनी दुचाकींची विक्री केली.
    जयपूर - राजस्‍थानमधील भरतपूर हे चोरट्यांच्‍या अड्ड्यासाठी कुप्रसिद्ध आहे. येथे चोरट्यांची एवढी दहशत आहे की, पोलिसही येथे कारवाई करण्‍यास घाबरतात. येथील कार चोरट्यांच्‍या नेटवर्कचा खुलासा करण्‍यासाठी भास्‍करचे दोन रिपोर्टर येथे दहा दिवस राहिले. जाणून घ्‍या, चोरी, सौदा व कसे तयार करतात कागदपत्रे..
    - या चोरगढीमध्‍ये दररोज सुमारे 100 वाहनांची विक्री होते.
    - दुचाकींपासून लग्‍झरी वाहने येथे मिळतात.
    - उत्तरप्रदेश, हरयाणा, दिल्ली-पंजाब येथून चोरी झालेल्‍या वाहनांचा येथे बाजार भरतो.
    - चोरट्यांनी शेतांमध्‍ये अंडरग्राउंड गोदाम केले आहेत. त्‍यावर गवताचे छप्‍पर बनवलेले दिसते.
    - या परिसरात चालणारी 30 % वाहने ही बाहेरच्‍या क्रमांकाचे आहेत.
    प्रश्‍न : पोलिस काय करतात?
    पोलिसही या गावात कारवाईसाठी जात नाहीत. एकदा येथे पोलिसांनी कारवाई केली होती तेव्‍हा दीड हजार जवानांची अतिरिक्‍त फोर्स पोलिसांनी सोबत आणली होती.
    कसा झाला खुलासा..
    - भास्करच्‍या रिपोर्टरने बनावट ग्राहक बणून चोरांसोबत तीन सौदे केले.
    - चोरांकडून वाहनं खरेदी करून पोलिसांना दिली.
    - स्टिंगपूर्वी भरतपूरचे पोलिस महानिरीक्षक आलोक वशिष्ठ यांना माहिती देण्‍यात आली.
    - गेल्‍या वर्षभरात राजस्‍थानमधून सुमारे 20 हजार वाहनांची चोरी झाली आहे.
    - चोरगढी येथे केवळ चोरीच्‍या गाड्याच मिळत नाहीत, तर खोटी कागदपत्रही तयार होतात.
    - येथे चोरट्यांच्‍या दोन टोळ्या सक्रीय आहेत.
    - एक टोळी रस्‍त्‍यावरील वाहनांची चोरी करते, दुसरी वाहनांची खोटी कागदपत्रे तयार करते.
    - रिपोर्टर्सनी चोरट्यांकडून दुचाकी खरेदी करण्‍याचा पहिला सौदा पाच हजार रूपयांमध्‍ये केला.
    - एके दिवशी पुन्‍हा एक दुचाकी खरेदी केली. या गाड्यांची डिलीव्‍हरीही तत्‍काळ झाली.
    - रिपोर्टर्स सांगतात, तासभरात हवे ते मॉडेल, हव्‍या त्‍या रंगाची गाडी आमच्‍यापर्यंत पोहोचली.
    - चोरांना स्कॉर्पियो मागितली तर ती पण उपलब्‍ध होती. दहा लाखांच्‍या मॉडेलचा सौदा एक लाख रूपयात झाला होता.
    पुढील स्‍लाइड्सवर वाचा, कसे झाले 3 सौदे, 1 लाख रूपयात कागदपत्रांसह मिळाली स्कॉर्पियो..
  • Place Of Thieves Where You Can Buy Stolen Vehicles
    चोरीची वाहने विकणारा आरोपी छुट्‌टन.
    4 मार्च, 2:10 वाजता- 1 लाख रूपयात मिळाली स्कॉर्पियो, कागदपत्रांसह..

    रिपोर्ट्सनी 4 मार्चला चोरीचा आरोपी छुट्टन याच्‍या सोबत संपर्क करून स्कॉर्पियो मांगितली. त्‍याने राजस्‍थानच्‍या सेवर तुरुंगात असलेल्‍या त्‍याच्‍या मित्राला फोनवर संपर्क केला. मित्राने होकार दिल्‍यानंतर  छुटट्न 1 लाख  रुपयात 2015 ची स्कॉर्पियो देण्‍यास तयार झाला. कागदपत्रासाठी त्‍याने 35 हजार वेगळे मागितले. आम्ही पकडले जाऊ असे म्‍हटल्‍यास त्‍याने आरटीओकडून असली कागदपत्र देऊ असे सांगितले. त्‍याचे रेकॉर्ड परिवहन विभागात नसेल. पोलिस आणि कोर्टही काही करू शकणार नाही.  छुट्‌टनने स्‍पष्‍ट केले की, त्‍याला कागदपत्रांसाठी आरटीओलाही पैसे द्यावे लागतात. यूपी, हरयाणामध्‍येही आमची टोळी काम करत असल्‍याचे त्‍याने सांगितले.  5 मार्चला छुट्‌टनने डिलीव्‍हरीसाठी तीन वेळा कॉल केला होता.
     
    पुढील स्‍लाइड्सवर पाहा, सरपंचाच्‍या मुलाने दिल्‍या चोरीच्‍या दोन दुचाकी..
  • Place Of Thieves Where You Can Buy Stolen Vehicles
    चोरीचे वाहन पोलिसांना देण्‍यात आले.
    4 मार्च,  4:30 वाजता - सरपंचाच्‍या मुलाने दिल्‍या चोरीच्‍या दोन दुचाकी..
    भास्करने चोरट्यांच्‍या परिचयातील जयपूरमधील एकाशी संपर्क केला. 4 मार्चला सुरेश नावाच्‍या युवकाचा 9057856030 हा क्रमांक मिळाला. आम्‍ही त्‍याला दोन बाईक खरेदी करू असे सांगितले. त्‍याने कंपनी आणि मॉडेल विचारले तेव्‍हा आम्‍ही हीरो किंवा होन्‍डाचे 2015 मधील मॉडेल खरेदी करण्‍याचे सांगितले. त्‍याने दुपारी बारा वाजता आम्‍हाला नगरला (राजस्थान) बोलावले. तो तेथे 4 वाजता पोहोचला. हेमंतही त्‍याच्‍या सोबत होता.  ते आम्‍हाला पाच किलोमीटर दूर  सुंदरावली येथे घेऊन गेले. येथे शासकीय आरोग्‍य विभागात ठेवलेली होन्‍डा ट्विस्‍टर दुचाकी नंबर आरजे-02 एसएक्स-3463 आम्‍हाला दाखवली. 5500 किंमत सांगितली. 5000 रुपयात हा सौदा झाला.
     
    पुढील स्‍लाइडवर वाचा, दुचाकी यूपीची, नंबर दिला राजस्‍थानचा..
  • Place Of Thieves Where You Can Buy Stolen Vehicles
    कारमध्‍ये हा सौदा झाला.
    5 मार्च, 11:00 वाजता - दुचाकी यूपीची, नंबर दिला राजस्‍थानचा..

    आम्‍ही नगर (राजस्थान) येथील जयसोबत  8740042008 या मोबाइल नंबरवर संपर्क केला. आणि दुचाकी खरेदी करण्‍याबाबत बोललो. त्‍याने 11 वाजता नगरला बोलावले. नगरला पोहोचल्‍यावर जयसोबत संपर्क केला त्‍याने दुपारी 12 ला चोरगढीच्‍या 3 किलोमीटर अलिकडे भेटण्‍याचे सांगितले. 12 वाजता तो महेंद्रसोबत आमची वाट पाहत होता. येथे जयने हिरो होन्‍डा डीलक्स बाइक दाखवली आणि 8 हजार रुपये मागितले. ही दुचाकी यूपीची होती. पण त्‍यावरील नंबर आरजे-02-सीएस-2891 हा होता. आम्‍ही जयला 7 हजार रुपये दिले तेव्‍हा त्‍याने गाडी देण्‍यास मनाई केली. नंतर 8 हजार रुपयांमध्ये हा सौदा ठरला.  
     
    पुढील स्‍लाइडवर वाचा, चोरांसोबत झालेला संवाद..
  • Place Of Thieves Where You Can Buy Stolen Vehicles
    चोरीची पल्सर गाडी चोरगढमध्‍ये 8 हजार रुपयांना विकली जाते.
    भास्कर:हॅलो….कोण…सुरेश?
    सुरेश: होय. बोलतो. तू कोण?
    भास्कर: (ओळखीचा संदर्भ देत) दोन मोटरसायकल पाहिजेत.
    सुरेश:ठीक आहे…. मिळतील… मॉडेल सांगा.
    भास्कर: 2015 ची होन्‍डा किंवा प्लसर...
    सुरेश: ठीक आहे…एक बाइक मिळून जाईल. होन्‍डाची ट्विस्टर देईल.
    भास्कर: किती पैसे घेणार..
    सुरेश: तू त्‍याचा ओळखीचा आहेस तर, तू ये वाटेल तेवढे देशील.
     
    जयसोबत झालेल्‍या संवादाचा सारांश
    भास्कर:
    हॅलो .जय…..(ओळखीचा संदर्भ देत)
    जय: हो… बोलतोय …...काय पाहिजे…
    भास्कर: भाई दोन पल्‍सर पाहिजेत….दोन असतील तर दोन नाही तर एक
    जय: पाहातो गोदामात असेल तर..
    भास्कर: किती पैसे घेणार..
    जय: मिळाली तर, 8000 रूपयात देईल.
    भास्कर: कुठली आहे ? कोणते मॉडेल आहे.
    जय: यूपी पासिंग आहे, 2015 चे मॉडेल असेल.
    भास्कर: भाई थोडे पैसे कमी कर..
    जय: नाही… यापेक्षा कमी नाही होणार यार.....
     

Trending