महाशिवरात्री : घरबसल्या घ्या, 12 ज्योतिर्लिंगांच्या दर्शनाचा लाभ

(दिव्य मराठी प्रतिनिधी :  वैभव किरगत, सुकृत करंदीकर, रमेश धाबे, कमलाकर अकोलकर, निलेश जोशी)
 

हिंदू धर्मामध्ये महाशिवरात्रीला खूप पवित्र मानले जाते. महादेवाच्या विशेष उपासनेसाठी महाशिवरात्रीची ख्याती आहे. जीवनातील दुःख, अडचणी, पाप, आर्थिक समस्या दूर करण्यासाठी आजच्या दिवशी महादेवाची भक्तिभावाने उपासना केली जाते. प्राचीन काळापासून ऋषी-मुनींनी, देवतांनी, असुरांनी देवांचे देव महादेवाची तपश्चर्या करुन वरदान प्राप्त केले आहेत.

भारतामध्ये 12 प्रमुख ज्योतिर्लिंग असून या सर्वांचे विशेष असे एक महत्त्व आहे. महाशिवरात्रीच्या दिवशी महादेवाच्या ज्योतिर्लिंगाचे दर्शन घेतल्यास व्यक्तीचे सर्व कष्ट दूर होतात असे मानले जाते. तुम्हालाही आयुष्यात सुख-समृद्धी आणि शांती प्राप्त करण्याची इच्छा असेल तर या महिन्याच्या पहिल्या दिवशी घरबसल्या घ्या महाराष्ट्रातील आणि भारतातील ज्योतिर्लिंगाचे दर्शन.

घृष्णेश्वर
घृष्णेश्वर दर्शनासाठी सर्व पुरुषांसाठी एक खास नियम आहे. मंदिराच्या गाभाऱ्यात प्रवेश करण्यापूर्वी पुरुषांनी चामड्यापासून बनलेल्या सर्व वस्तू उदा. बेल्ट, पॉकेट मंदिराबाहेरच काढून ठेवणे आवश्यक आहे. पुरुषांनी कंबरेच्या वर घातलेले शर्ट, जॅकेट काढून ठेवावे लागते. या नियमाचे पालन केले तरच गाभाऱ्यात प्रवेश दिला जातो. घृष्णेश्वर ज्योतिर्लिंगाची संपूर्ण माहिती आणि पौराणिक कथा वाचण्यासाठी येथे क्लिक करा...

भीमाशंकर
भीमाशंकर हे बारा ज्योतीर्लिंगापैकी एक आहे. भीमा नदीचे उगमस्थान असलेले हे क्षेत्र समुद्रसपाटीपासून 3500 फूट उंचीवर घनदाट जंगलाने वेढलेले आहे. भीमाशंकर मंदिर 1200 वर्षापूर्वीचे असून हे हेमाडपंथी बांधणीचे आहे. मंदिराच्या छतावर आणि खांबावर अतिशय सुंदर नक्षीकाम दिसून येते. मंदिर परिसरात शनि मंदिरही आहे. या क्षेत्राचा पुराणातही उल्लेख सापडतो. भीमाशंकर ज्योतिर्लिंगाची संपूर्ण माहिती आणि पौराणिक कथा वाचण्यासाठी येथे क्लिक करा...

 

औंढा नागनाथ
हिंगोली जिल्ह्यातील पवित्र तीर्थक्षेत्र औंढा नागनाथ ज्योतिर्लिंग मंदिरातील लक्ष वेधून घेणारी गोष्ट म्हणजे महादेवाच्या पिंडीसमोर नंदीची मूर्ती नाही. नंदिकेश्वराचे स्वतंत्र मंदिर बाजूला आहे. मंदिराच्या आवारात 12 ज्योतिर्लिंगाची छोटी-छोटी मंदिरे आहेत. औंढा नागनाथ ज्योतिर्लिंगाची संपूर्ण माहिती आणि पौराणिक कथा वाचण्यासाठी येथे क्लिक करा...

परळीचे वैजनाथ
देशभरातील बारा ज्योतीर्लिंगापैकी पाचवे ज्योतिर्लिंग म्हणुन परळीचे वैजनाथ प्रसिद्ध आहे. परळीच्या वैजनाथला दक्षिण काशी म्हणुनही संबोधले जाते. हे मंदिर मुळत: यादवकालीन असून मंदिराच्या जुन्या घाटात शके 1108 अशी नोंद आहे. मंदिराचे बांधकाम हेमाडपंती असून मंदिराचा जिर्णोध्दार इंदोरच्या राणी आहिल्याबाई होळकर यांनी केला. परळीचे वैजनाथ ज्योतिर्लिंगाची संपूर्ण माहिती आणि पौराणिक कथा वाचण्यासाठी येथे क्लिक करा...

त्र्यंबकेश्वर
नाशिक जिल्ह्यातील त्र्यंबकेश्वर येथे भारतातील 12 ज्योतिर्लिंगापैकी एक महत्त्वाचे ज्योतिर्लिंग आहे. या ज्योतिर्लिंगाचे वैशिष्ट्य म्हणजे शिवलिंगास ब्रम्हा, विष्णू, महेश या तिघांच्याही प्रतिमा आहेत. ब्रह्मगिरी पर्वताच्या निसर्गरम्य परिसरात त्र्यंबकेश्वर मंदिर वसले आहे. त्र्यंबकेश्वर ज्योतिर्लिंगाची संपूर्ण माहिती आणि पौराणिक कथा वाचण्यासाठी येथे क्लिक करा...

 

पुढील स्लाईड्सवर क्लिक करून घ्या, त्र्यंबकेश्वर ज्योतिर्लिंग ​दर्शनाचा आणि​ उज्जैनच्या महाकालेश्वर ज्योतिर्लिंगाच्या भस्मारतीच लाभ...