Home | Jeevan Mantra | Pauranik Rahasya Kathaa | Sita Navmi Know The Interesting Things About Sita.

लग्नाच्या वेळी किती होते देवी सीतेचे वय, तुम्हाला माहिती नसतील या गोष्टी

जीवनमंत्र डेस्क | Update - May 31, 2017, 09:39 AM IST

आज ( 4 मे, गुरुवार) सीता नवमी आहे. धर्म ग्रंथानुसार या दिवशी देवी सीतेचा जन्म झाला होता.

  • Sita Navmi Know The Interesting Things About Sita.
    आज ( 4 मे, गुरुवार) सीता नवमी आहे. धर्म ग्रंथानुसार या दिवशी देवी सीतेचा जन्म झाला होता. या दिवसाला जानकी नवमी असेही म्हणतात. वाल्मिकी रामायणामध्ये देवी सीतेशी संबंधित विविध रोचक गोष्टी सांगण्यात आल्या आहेत. या गोष्टी अनेक लोकांना कदाचित माहिती नसाव्यात. आज सीता नवमीच्या निमित्ताने आम्ही तुम्हाला काही खास गोष्टी सांगत आहोत...

    1. श्रीरामाशी लग्न करतना देवी सीतेचे वय केवळ सहा वर्षांचे होते. याचा पुरावा वाल्मिकी रामायणातील अरण्यकांडमध्ये आढळून येतो. या प्रसंगात देवी सीता, साधू रुपात आलेल्या रावणाला आपला परिचय अशा स्वरुपात देते...

    श्लोक
    उषित्वा द्वादश समा इक्ष्वाकूणां निवेशने।
    भुंजना मानुषान् भोगान् सर्व कामसमृद्धिनी।1।
    तत्र त्रयोदशे वर्षे राजामंत्रयत प्रभुः।
    अभिषेचयितुं रामं समेतो राजमंत्रिभिः।2।
    परिगृह्य तु कैकेयी श्वसुरं सुकृतेन मे।
    मम प्रव्राजनं भर्तुर्भरतस्याभिषेचनम्।3।
    द्वावयाचत भर्तारं सत्यसंधं नृपोत्तमम्।
    मम भर्ता महातेजा वयसा पंचविंशक:।
    अष्टादश हि वर्षाणि मम जन्मनि गण्यते।।

    अर्थ- देवी सीता सांगते की, लग्नानंतर 12 वर्षापर्यंत इक्ष्वाकु वंशी महाराज दशरथ यांच्या महालात राहून मी माझ्या पतीसोबत सर्व मनोवांच्छित भोग भोगले आहेत. मी तेथे सुख-सुविधांचा उपभोग घेऊन संपन्न वास्तव्य केले आहे.

    तेराव्या वर्षाच्या सुरुवातीला महाराज दशरथ यांनी दरबारातील सर्वांच्या सल्ल्याने श्रीरामचंद्राचा युवराज पदावर अभिषेक करण्याचा निश्चय केला. तेव्हा कैकयीने माझ्या सासऱ्याला शपथ देवून वचनबद्ध केले आणि दोन वर मागितले. माझे पती (श्रीराम) यांना वनवास आणि भरतचा राज्याभिषेक. वनवासाला जाताना माझ्या पतीचे वय 25 वर्षांचे होते आणि माझ्या जन्मकाळापासून वनगमनापर्यंत माझे वय वर्ष गणनेनुसार 18 वर्षांचे होते. या प्रसंगावरून दिसून येते की, लग्नानंतर देवी सीता 12 वर्षांपर्यंत आयोध्येत राहिल्या आणि वनवासात जाताना त्यांचे वय 18 वर्षांचे होते. यावरून हे स्पष्ट होते की, लग्नाच्या वेळी देवी सीता सहा वर्षांच्या होत्या. तसेच श्रीराम आणि देवी सीता यांच्या वयात सात वर्षांचे अंतर होते.

    देवी सीतेशी संबंधित इतर काही खास गोष्टी जाणून घेण्यासाठी पुढील स्लाईड्सवर क्लिक करा...
  • Sita Navmi Know The Interesting Things About Sita.
    - तुलसीदास रचित श्रीरामचरित मानसमध्ये वर्णन आहे की, भगवान श्रीरामाने सीता स्वयंवरामध्ये शिवधनुष्य उचलले आणि प्रत्यंचा चढवताना धनुष्य तुटले. परंतु वाल्मिकी ऋषी रचित रामायणामध्ये स्वयंवराचे वर्णन करण्यात आलेले नाही. वाल्मिकी रामायणानुसार जेव्हा श्रीराम व लक्ष्मण ऋषी विश्वामित्र यांच्यासोबत मिथिला नगरी पोहचले तेव्हा विश्वामित्रांनी जनक राजाला श्रीरामाला शिवधनुष्य दाखवण्यास सांगितले. तेव्हा श्रीरामाने खेळण्यासाठी ते धनुष्य उचलले आणि प्रत्यंचा चढवताना धनुष्य तुटले. राजा जनकाने प्रण केला होता की, जो कोणी हे शिवधनुष्य उचलेले त्याच्याशी माझ्या मुलीचा विवाह करण्यात येईल.
  • Sita Navmi Know The Interesting Things About Sita.
    - मार्गशीर्ष मासातील शुक्ल पक्षातील पंचमीला श्रीराम आणि सीतेचे लग्न झाले होते. प्रत्येक वर्षी या तिथीला श्रीराम-सीता लग्नाच्या निमित्ताने लग्न पंचमी साजरी केली जाते. असा उल्लेख श्रीरामचरितमानसमध्ये आहे.
  • Sita Navmi Know The Interesting Things About Sita.
    वाल्मीकि रामायणानुसार एकदा राजा जनक जेव्हा शेत तयार करण्यासाठी नांगराने जमीन नांगरत होते, त्याचवेळी त्यांना जमिनीतून कन्या रत्नाची प्राप्ती झाली. नांगरलेल्या जमीनीला तसेच नांगराच्या टोकाला सीता म्हणतात. यामुळे बालिकेचे नाव सीता ठेवण्यात आले.
  • Sita Navmi Know The Interesting Things About Sita.
    श्रीरामचरित मानसनुसार वनवास काळात श्रीरामाच्या मागेमागे देवी सीता चालत होत्या परंतु चालताना श्रीरामाच्या चरण चिन्हांवर पाय पडणार नाही, याकडे देवी सीतेचे विशेष लक्ष होते.
  • Sita Navmi Know The Interesting Things About Sita.
    एकदा रावणाला पुष्पक विमानातून भ्रमण करताना,एक सुंदर स्त्री दिसली. ती स्त्री विष्णूला पतीच्या रुपात प्राप्त करण्यासाठी तपश्चर्या करत होती. रावणाने तिचे केस पकडले आणि तिला सोबत चलण्यास सांगितले. त्याच क्षणी त्या तपस्विनीने स्वतःचा देहत्याग केला आणि रावणाला शाप दिला की, एका स्त्रीमुळे तुझा सर्वनाश होईल. त्याच स्त्रीने पुढील जन्मा देवी सीतेच्या रुपात घेतला.
  • Sita Navmi Know The Interesting Things About Sita.
    ज्या दिवशी रावणाने सीतेला अशोक वाटिकेमध्ये ठवले होते.त्याचदिवशी रात्री ब्रह्मदेवाच्या आदेशानुसार देवराज इंद्र सीतेसाठी खीर घेऊन गेले होते. पहिल्यांदा इंद्राने आशिक वाटिकेतील सर्व राक्षसांना संमोहित करून झोपी घातले. त्यानंतर सीतेला खीर अर्पण केली. ती खीर खाल्यानंतर सीतेची भूक-तहान शांत झाली.

Trending