आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

कार्तिकचा विजयी षटकार; पहिल्यांदा टीम इंडिया टी-20 तिरंगी मालिकेमध्ये चॅम्पियन

4 वर्षांपूर्वी
  • कॉपी लिंक

काेलंबाे- दिनेश कार्तिकच्या (२९) विजयी षटकाराच्या बळावर टीम इंडियाने रविवारी टी-२० ची तिरंगी मालिका जिंकली. राेहितच्या नेतृत्वाखाली भारताने फायनलमध्ये बांगलादेश टीमचा पराभव केला. भारताने ४ गड्यांनी सामना जिंकला. यासह भारताने पहिल्यांदा टी-२० च्या फाॅरमॅटची मालिका अापल्या नावे केली.   


प्रथम फलंदाजी करताना बांगलादेशने ८ बाद १६६ धावा काढल्या हाेत्या. प्रत्युत्तरात भारताने ६ गड्यांच्या माेबदल्यात विजयाचे लक्ष्य गाठले. दिनेश कार्तिकसह कर्णधार राेहित शर्माचे (५६) माेलाचे याेगदान राहिले.  


संकटात सापडलेल्या टीम इंडियाच्या विजयात दिनेश कार्तिकची खेळी उल्लेखनीय ठरली. त्याने तुफानी फटकेबाजी करताना विजयाचा पल्ला गाठून दिला. या वेळी त्याला विजय शंकरची साथ मिळाली.   


बांगलादेश टीमकडून रुबेल हुसैनने दाेन गडी बाद केले. तसेच शाकिब अल हसन, नझमुल, मुस्तफिजूर रहमान अाणि साैम्य सरकारने प्रत्येकी एक बळी घेतला. मात्र, त्यांना टीम इंडियाला राेखता अाले नाही.   


धावांचा पाठलाग करणाऱ्या भारतीय संघाकडून सलामीवीर अाणि कर्णधार राेहित शर्माने दमदार सुरुवात केली. या वेळी त्याला शिखर धवनची साथ मिळाली. त्यांनी टीमला ३२ धावांच्या भागीदारीची सलामी दिली. दरम्यान माेठ्या खेळीच्या प्रयत्नात असलेल्या धवनला शाकीबने बाद केले. त्यामुळे अवघ्या १० धावांंचे याेगदान देऊन धवन पॅव्हेलियनमध्ये परतला.  त्यापाठाेपाठ सुरेश रैना अाल्या पावली पॅव्हेलियनमध्ये माघारी परतला. त्याला रुबेल हुसैनने झेलबाद केले. त्यामुळे रैना हा भाेपळाही न फाेडता बाद झाला. नाणेफेक जिंकून भारतीय संघाने प्रथम क्षेत्ररक्षणाचा निर्णय घेतला. युवा गाेलंदाज वाॅशिंग्टन सुंदर अाणि यजुवेंद्र चहलने अापल्या टीमचा कर्णधार राेहित शर्माने घेतलेल्या या निर्णयाला याेग्य ठरवले. वाॅशिंग्टनने संुदर गाेलंदाजी ३.२ षटकांत करताना भारतीय संघाला पहिला बळी मिळवून दिला. त्याने सलामीवीर लिटाेन दासला सुरेश रैनाकरवी झेलबाद केले. लिटाेन दासने ११ धावांची खेळी केली. 

 

हेही आहे महत्त्वाचे
- १८०० धावा राेहित शर्माने टी-२० करिअरमध्ये पूर्ण केल्या. असे करणारा ताे अाठवा फलंदाज ठरला. अाता त्याच्या नावे १८५२ धावांची नाेंद झाली.
- ७६ षटकारांची टी-२० मध्ये राेहितच्या नावे नाेंद. असे करणारा भारताचा पहिला अाणि जगातील सहावा फलंदाज.
- पहिल्याच सहभागात चॅम्पियन
भारताने पहिल्यांदाच टी-२० च्या तिरंगी मालिकेत सहभाग घेतला हाेता. अापल्या या पहिल्याच स्पर्धेत भारतीय संघाने चॅम्पियन हाेण्याचा बहुमान पटकावला. 
- बांगलादेशवर सलग अाठवा विजय 
टीम इंडियाने अापला दबदबा कायम ठेवताना अांतरराष्ट्रीय टी-२० सामन्यात  बांगलादेशवर सलग अाठव्या विजयाची नाेंद केली. यात मालिकेतील दाेन विजयाचा समावेश अाहे.
 
राेहित शर्माचा झंझावात 
भारताकडून राेहित शर्माने एकाकी झुंज देताना शानदार अर्धशतक झळकावले. त्याने ४२ चेंडूंचा सामना करताना ४ चाैकार अाणि ३ उत्तंुग षटकारांच्या अाधारे ५६ धावांची खेळी केली. 
 
राेहित-लाेेकेशची अर्धशतकी भागीदारी 
डाव सावरण्यासाठी राेहित शर्माने कंबर कसली. या वेळी त्याला युवा फलंदाज लाेकेश राहुलची माेलाची साथ मिळाली. या दाेघांनी तिसऱ्या गड्यासाठी ५१ धावांची महत्त्वपूर्ण भागीदारी रचली.  दरम्यान लाेकेश राहुल २४ धावांची खेळी करून तंबूत परतला. 
 
यजुवेंद्र चहलचे तीन बळी 
यजुवेंद्र चहल सामन्यात चमकला. त्याने धारदार गाेलंदाजी करताना तीन बळी घेतले. त्याने चार षटकांमध्ये अवघ्या १८ धावा देताना तीन गडी बाद केले. त्याने सलामीवीर तमीम इक्बालसह (१५), साैम्य सरकार (१) व मुशफिकूर रहीमला (९) बाद केले. यासह त्याने महत्त्वाचे बळी घेतले.
 
कार्तिकच्या ८ चेंडूंत २९ धावा 
टीम इंडियाकडून दिनेश कार्तिकने अटीतटीच्या वेळी झंझावाती खेळी केली. त्याने बांगलादेशच्या साैम्य सरकार अाणि रुबेल हुसैनच्या सुमार गाेलंदाजीचा खरपूस समाचार घेतला. त्याने ८ चेंडूंचा सामना करताना ३ षटकार अाणि दाेन चाैकारांच्या अाधारे नाबाद २९ धावांची खेळी केली. यासह त्याने टीमचा विजय निश्चित केला. 
 
पुढील स्‍लाइडवर पाहा, फोटो आणि धावफलक...
बातम्या आणखी आहेत...