कलीयुगातील एकलव्य, 1009 धावा करुनही ऑटोवाल्याच्या मुलाऐवजी सचिनच्या मुलाचे सिलेक्शन

मुंबई- सचिन तेंडुलकरचा मुलगा अर्जुन तेंडुलकर याची वेस्ट झोन अंडर-16 क्रिकेट संघात निवड झाली आहे. हुबळी येथे होणाऱ्या इंटर झोनल टूर्नामेंटमध्ये हा संघही सहभागी होणार आहे. मात्र या टुर्नामेंटसाठी अर्जुनच्या निवडीपेक्षाही चर्चा आहे ती, प्रणव धनावडेची निवड न झाल्याची. आपल्याला माहितच असेल की, प्रणवने जानेवारी महिन्यात शालेय स्थरावरील एका क्रिकेट सामन्यात 1009 धावांची तुफानी खेळी केली होती.

- प्रणव या खेळीमुळे जागतिक पातळीवर प्रसिद्ध झाला होता.
- स्वतः सचिननेच त्याची ऑटोग्राफ असलेली बॅट गिफ्ट केली होती.
- प्रणवसारख्या प्रतिभावान खेळाडूची निवड न झाल्याने सोशल मीडियावरील चर्चा अधिकाधिक वाढत आहे.
- सोशल मीडियावर लोक म्हणत आहे की, वर्ल्ड रेकॉर्ड होल्डर प्रणवला एका स्टार किड अर्जुनने हरवले आहे.

यामुळे अर्जुनच्या निवडिवर प्रश्नचिंन्ह...!
- नॉर्थ झोन विरुद्ध खेळल्या गेलेल्या सामन्यात अर्जुन ची गोलंदाजी आणि फलंदाजीतील कामगिरी गचाळ राहिली.
- पहिल्या डावात अर्जुन शून्यावर बोल्ड. तर गोलंदाजी करताना त्याला 12 ओव्हरमध्ये 52 धावा देत एवळ एकच विकेट घेता आली.
- त्याला दुसऱ्या डावातही फारशी चमक दाखवता आली नाही. त्यामुळे त्याच्या निवडीवर प्रश्नचिन्ह उपस्थित झाले आहे.
- अर्जुनच्या निवडीबाबत प्रश्नचिन्ह लागण्याची ही पहिलीच वेळ नाही.
- 2014मध्ये मुंबईच्या अंडर-14 संघात त्याची निवड झाली होती, त्यावेळीही तो सचिनचा मुलगा असल्याचा त्याला फायदा झाला असल्याचे म्हटले गेले होते.