Home | Sports | From The Field | Live India Vs Australia, 2nd ODI Cricket Match Updates

कुलदीप- भुवीच्या गाेलंदाजीने भारताच्या विजयाचा ‘दीप’; मालिकेत 2-0 ने अाघाडी

वृत्तसंस्था | Update - Sep 22, 2017, 01:30 PM IST

भुवनेश्वर व कुलदीप यादवने प्रत्येकी तीन तर चहल आणि पांड्याने प्रत्येकी दोन विकेट घेतल्या.

  • Live India Vs Australia, 2nd ODI Cricket Match Updates
    हॅट्ट्रिक घेतल्यानंतर कुलदीप यादवचे अभिनंदन करताना टीम इंडियाचे खेळाडू...
    काेलकाता- कुलदीप यादव (३/५४) अाणि भुवनेश्वर कुमारने (३/९) धारदार गाेलंदाजीच्या बळावर काेलकात्यात घटस्थापनेला टीम इंडियाच्या विजयाचा दीप लावला. भारताने गुरुवारी दुसऱ्या वनडेत अाॅस्ट्रेलियाचा अवघ्या २०२ धावांमध्ये धुव्वा उडवला. भारताने ४३.१ षटकांत ५० धावांनी सामना जिंकला. या विजयाच्या बळावर भारताने पाच वनडे सामन्यांच्या मालिकेमध्ये २-० ने अाघाडी घेतली. मालिकेतील तिसरा व अाॅस्ट्रेलियासाठीचा निर्णायक वनडे रविवारी इंदूर येथील हाेळकर स्टेडियमवर हाेईल.

    सामनावीर विराट काेहली (९२) अाणि अजिंक्य रहाणेच्या (५५) शतकी भागीदारीच्या बळावर यजमान टीम इंडियाने दुसऱ्या वनडेत प्रथम फलंदाजी करताना अाॅस्ट्रेलियासमाेर विजयासाठी २५३ धावांचे लक्ष्य ठेवले. प्रत्युत्तरात अाॅस्ट्रेलियाने २०२ धावांत गाशा गुंडाळला. स्मिथ (५९) अाणि स्टाेईनिसचे (नाबाद ६२) अर्धशतक व्यर्थ ठरले.

    काेहली- रहाणेची शतकी भागीदारी-
    काेहली व रहाणेने संघाचा डाव सावरला. त्यांनी दुसऱ्या विकेटसाठी १०२ धावांची भागीदारी रचली. त्यानंतर काेहलीने केदारसाेबत ५५ धावांची भागीदारी केली.

    काेहलीचे शतक हुकले-
    विराट काेहलीने दमदार पुनरागमन करताना अर्धशतकी खेेळी केली. त्याचे ८ धावांनी शतक हुकले. त्याने १०७ चेंडूंत ८ चाैकारांसह ९२ धावांची खेळी केली. त्याला नॅथन नाइलने बाद केले.
    धाेनीचे त्रिशतक-

    माजी कर्णधार धाेनीने ईडन गार्डनवर वनडेचे त्रिशतक ठाेकले. त्याचा करिअरमधील हा ३०० वा वनडे सामना हाेता. मात्र, त्याला समाधानकारक कामगिरी करता अाली नाही. त्याने ५ धावांचे याेगदान देत पॅव्हेलियन गाठले. वनडे करिअरमध्ये वनडेचे त्रिशतक ठाेकणारा धाेनी हा भारताचा सहावा फलंदाज ठरला. यापूर्वी, सचिन (४६३), द्रविड (३४४), अझरुद्दीन (३३४), गांगुली (३११), युवराज(३०४) यांनीही वनडेचा तिहेरी अाकडा पार केला अाहे.
    पुढे स्लाईडद्वारे पाहा, कोलकात्या सामन्यातील क्षणचित्रे....
  • Live India Vs Australia, 2nd ODI Cricket Match Updates
    कुलदीप यादव वन डे क्रिकेटमध्ये हॅट्टिक घेणारा भारताचा तिसरा खेळाडू ठरला. चेतन शर्मा, कपिल देवनंतर कुलदीप या यादीत आला आहे.
  • Live India Vs Australia, 2nd ODI Cricket Match Updates
    भुवीने सुरुवातीलाच दोन झटके दिल्याने कांगारूंची सुरुवात खराब झाली होती.
  • Live India Vs Australia, 2nd ODI Cricket Match Updates
    चहलनेही दोन महत्त्वाच्या विकेट काढल्या.
  • Live India Vs Australia, 2nd ODI Cricket Match Updates
    भुवीने कार्टराईट आणि डेव्हिड वॉर्नरला सुरूवातीला बाद करत पॅव्हेलियनमध्ये धाडले.
  • Live India Vs Australia, 2nd ODI Cricket Match Updates
    कोहलीचे विक्रमी ३१ वे शतक केवळ ८ धावांनी हुकले.
  • Live India Vs Australia, 2nd ODI Cricket Match Updates
    रहाणे व कोहलीने दुस-या विकेटसाठी शतकी भागीदारी केली.
  • Live India Vs Australia, 2nd ODI Cricket Match Updates
    रहाणेंनी शानदार खेळ केला.
  • Live India Vs Australia, 2nd ODI Cricket Match Updates
    अजिंक्य रहाणे ५५ धावा काढून बाद झाला.
  • Live India Vs Australia, 2nd ODI Cricket Match Updates
    रोहित शर्मा केवळ ७ धावांवर कुल्टर-नाईलच्या गोलंदाजीवर झेलबाद झाला.
  • Live India Vs Australia, 2nd ODI Cricket Match Updates
    कांगारूचा कर्णधार स्टीव्ह स्मिथ काल 100 वा सामना खेळला.
  • Live India Vs Australia, 2nd ODI Cricket Match Updates
    कर्णधार विराट कोहलीने नाणेफेक जिंकून प्रथम फलंदाजी करण्याचा निर्णय घेतला होता. कोलकात्याची खेळपट्टी गोलंदाजीस पोषक असल्याने प्रथम फलंदाजी करण्याचा निर्णय घेतला असल्याचे कोहलीने सांगितले होते. ते खरं ठरलं.

Trending