पहिली T20: जाणून घ्या, ऑस्ट्रेलियाला 3-0 ने लोळवणारी टीम इंडिया होम ग्राऊंडवर का हरली

श्रीलंकेविरुद्ध झालेल्या पहिल्या टी20 सामन्यात टीम इंडियाचा पाच विकेटने दारुण पराभव झाला. भारतीय खेळाडूंचा परफॉर्मन्स बघून विश्वास बसत नव्हता, की हा तोच संघ आहे ज्याने ऑस्ट्रेलियाचा त्यांच्या होम ग्राऊंडवर 3-0 ने जोरदार पराभव केला होता.

बॅटिंगमध्ये अतिआत्मविश्वास नडला, कमी अनुभव असलेल्या श्रीलंका टीमला फारच कमी लेखले... वाचा काय आहेत पराभवाची कारणे

- ऑस्ट्रेलियात टीम इंडियाच्या विजयामागे टॉप ऑर्डरची चमकदार कामगिरी कारणीभुत होती. पण कालच्या सामन्यात हे बघायला मिळाले नाही.
- ओपनर्स रोहित शर्मा आणि शिखर धवन चांगले खेळले नाहीत. इनिंगच्या दुसऱ्या बॉलवरच एक कॅज्युअल शॉट खेळून रोहित शुन्यावर बाद झाला. धवनने केवळ 9 धावा केल्या.
- विराटच्या जागी खेळत असलेला अजिंक्य राहाणे केवळ 4 धावा करु शकला. एका बॉलवर तर पार त्याची धांदड उडाली. त्यातच तो बाद झाला. त्याचे टायमिंग चुकले. त्याने बॉल येण्यापूर्वीच बॅट वळवली.
- रैना (20), युवराज (10) आणि धोनी (2) यांनी सारखीच चुक केली.

सामन्यात काय झाले
- टीम इंडियाने आधी बॅटिंग केली. संपूर्ण 20 ओव्हरही त्यांना खेळता आले नाही. 18.5 ओव्हरमध्ये 101 धावा करुन टीम ऑल आऊट झाली.
- अश्विनने 31 आणि रैनाने 20 धावा केल्या.
- 102 धावांचे टार्गेट श्रीलंकाने 18 ओव्हरमध्ये 5 विकेट गमावून पार केले.
- चांडीमलने 35 तर कपुगेदरा याने 25 धावा केल्या.
- नेहरा आणि अश्विन यांनी प्रत्येकी दोन विकेट घेतल्या. पण ते श्रीलंकेच्या फलंदाजांना रोखू शकले नाहीत.

काय होती पराभवाची इतर कारणे
- श्रीलंकेच्या नवीन खेळाडूंना कमकुवत समजणे महाग पडले.
- कॅच सोडून संधी गमावल्या.
- पिचमधील ओलावा समजला नाही.
- टॉसने अदा केला महत्त्वपूर्ण रोल.

रॅंकिंग वाचविण्यासाठी भारताला हे करावे लागेल
- टॉप रॅंकिंग टिकवून ठेवण्यासाठी टीम इंडियाला पुढील दोनही सामने जिंकावे लागतील.
- एका सामन्यातही पराभव झाला तर भारत सातव्या क्रमांकावर जाण्याचा धोका आहे.
- टीम इंडिया 0-3 ने सिरिज हरली तर श्रीलंका रॅंकिंगमध्ये टॉपवर जाईल.

पुढील स्लाईडवर क्लिक करुन वाचा, काय राहिली टीम इंडियाच्या पराभवामागची इतर कारणे....