चॅम्पियन्स ट्रॉफी हॉकी: भारतीय संघाला रौप्यपदक; ऑस्ट्रेलियाची 3-1 ने मात

लंडन- ऑस्ट्रेलियाने भारताला पेनल्टी शूटआऊटमध्ये ३-१ ने पराभूत करून चॅम्पियन्स ट्रॉफी हॉकी स्पर्धेत १४ व्यांदा विजेतेपद पटकावले. चॅम्पियन्स ट्रॉफीच्या ३८ वर्षांच्या इतिहासात भारताने पहिल्यांदा फायनल प्रवेश केला होता. मात्र, भारताला विजेतेपद मिळाले नाही. भारताने पराभवानंतरही इतिहास रचला. या स्पर्धेत भारताने प्रथमच रौप्यपदक जिंकले आहे. याआधी भारताची सर्वश्रेष्ठ कामगिरी १९८२ मध्ये कांस्यपदकाच्या रूपाने झाली होती. एक दिवसाआधीच ऑस्ट्रेलियाने साखळी सामन्यात भारताला ४-२ ने हरवले होते.

फायनलचा सामना संघर्षमय ठरला. फायनलचा दबाव दोन्ही संघांवर स्पष्टपणे दिसत होता. आक्रमक हॉकी खेळणारी ऑस्ट्रेलियन टीम पूर्ण ६० मिनिटांत रक्षात्मक खेळ करत होती. परिणामी सामन्याचे चारही क्वार्टर गोलरहित बरोबरीत सुटले. ऑस्ट्रेलियाने पहिल्या क्वार्टरमध्येच तीन पेनल्टी कॉर्नर मिळवून भारतीय गोटात खळबळ माजवली होती. मात्र, भारतीय भिंत ऊर्फ गोलकीपर श्रीजेशने जबरदस्त बचाव करून ऑस्ट्रेलियाच्या आक्रमणाला सडेतोड उत्तर दिले. भारताने मैदानी खेळ चांगला केला. भारतानेही वारंवार आक्रमक करून गोल करण्याचे प्रयत्न केले.

सहा खेळाडूंना दाखवले कार्ड : यादरम्यानऑस्ट्रेलियाच्या खेळडूंना कार्ड दाखवण्यात आले, तर भारताच्या प्रदीपला ग्रीन कार्ड दाखवण्यात आले.