चेतेश्वर पुजाराचे नाबाद अर्धशतक; डर्बिशायर विजयी

लंडन - भारताचा युवा खेळाडू चेतेश्वर पुजाराच्या नाबाद (९०) अर्धशतकाच्या बळावर डर्बिशायरने डिव्हिजन टू काउंटी क्रिकेट चॅम्पियनशिपमध्ये शानदार विजय संपादन केला. त्याने झंझावाती फलंदाजीचे प्रदर्शन करून पदार्पणातच संघाच्या विजयात मोलाचे योगदान दिले. या संघाने आठ गड्यांनी सरेविरुद्धचा सामना जिंकला.

विजयाचा शिल्पकार ठरलेल्या पुजाराने बिली गोल्डनमॅनसोबत १५४ धावांची भागीदारी केली. बिलीने या वेळी संघाच्या विजयात नाबाद १०४ धावांचे याेगदान दिले. पुजाराने १०५ चेंडूंत १४ चौकारांच्या आधारे नाबाद ९० धावा काढल्या.

वरुण अॅराेनची निराशा : डरहॅमचे प्रतिनिधित्व करत असलेल्या अॅराेनने नाॅर्थनम्पटनशायरविरुद्ध निराशाजनक गाेलंदाजी केली. त्याने पहिल्या डावात सहा षटकांत २४ धावा व दुस-या डावात तीन धावा दिल्या.