ब्रिस्बेन टेस्ट : विजयच्या शतकाच्या जोरावर दिवसअखेर भारताची स्थिती 4 बाद 311

धवन पुन्हा फ्लॉप
सलामीवीर शिखर धवन एकदा पुन्हा फ्लॉप ठरला आहे. चांगली सुरुवात केल्यानंतरही मिशेल मार्शच्या वाईड जाणा-या चेंडूला छेडल्यामुळे धवनला मोबदला चुकवावा लागला आणी विकेटकीपर ब्रॅड हॅडीनने न चुकता त्याचा झेल घेतला. धवनला केवळ 24 धावा करता आल्या.

बाद होण्यापूर्वी त्याने मुरली विजयबरोबर पहिल्या विकेटसाठी 56 धावांची भागीदारी केली होती. ही भागीदारी करत दोघांनी 23 वर्षे जुना विक्रम मोडीत काढला आहे. ब्रिस्बेनच्या मैदानावरची ही भारतीय सलामीवीरांची सर्वोत्कृष्ट भागीदारी ठरली आहे. यापूर्वी 1991 मध्ये रवी शास्त्री आणि श्रीकांतने पहिल्या गड्यासाठी 21 धावांची भागीदारी सर्वोत्कृष्ट होती. एवढेच नाही तर पहिल्या डावात कोणत्याही संघाच्या सलामीवीरांनी केलेले हे केवळ दुसरे अर्धशतक आहे.

दरम्यान, सामना सुरू होण्यापूर्वी झालेली नाणेफेक जिंकून भारताने प्रथम फलंदाजी करण्याचा निर्णय घेतला. या सामन्यात कर्णधार महेंद्रसिंग धोनीचे पुनरागमन झाले आहे. तर स्पिनर करन शर्माच्या जागी अश्विनला संधी देण्यात आली आहे. वेगवान गोलंदाज मोहम्मद शमीला आराम देत उमेश यादवला संधी देण्यात आळी आहे. तसेच ऑस्ट्रेलिया संघातही तीन बदल करण्यात आले आहेत.

ऑस्ट्रेलियाने या मालिकेत 1-0 ने आघाडी घेतली आहे. अॅडिलेडमध्ये झालेल्या पहिल्या कसोटी सामन्यात ऑस्ट्रेलियाने भारताला पराभूत केले होते.

पुढील स्लाइड्सवर पाहा सामन्याची ताजी छायाचित्रे...