Asian Games LIVE:पुरुष तिरंदाज \'सुवर्णपदका\'च्‍या शर्यतीत, रोइंगमध्‍ये कांन्‍स

बॉक्सिंग : अखिल, थापा प्रीक्वार्टरमध्ये
बॉक्सिंगमध्येमाजी चॅम्पियन अखिलकुमार, शिवा थापा यांनी प्रीक्वार्टर फायनलमध्ये प्रवेश केला. तीन वर्षांच्या प्रदीर्घ कालावधीनंतर पुनरागमन करणाऱ्या अिखलने नेपाळच्या पूर्ण बहाद्दूर लामाला पुरुषांच्या 60 किलो लाइट वेट गटाच्या पहिल्या फेरीत पराभूत केले. अखिलने सहज बाजी मारली. दुसरीकडे शिवा थापाला तिमोर ल्युस्टेचा लियोनल परादा हेलोकडून पुढे चाल मिळाली.

स्क्वॅशमध्ये महिला खेळाडू चमकल्या
दीपिकापल्लिकल, जोश्ना चिनप्पा आणि अनाका अलंकामोनी या त्रिकुटाने स्क्वॅशमध्ये महिला सांघिक स्पर्धेत हाँगकाँगला 2 -1 ने हरवले. दीपिका पल्लिकलने सुरुवात केली. मात्र, तिला हाँगकाँगच्या ए.यू.विग ची एनीने 2-3 ने हरवले. दुसऱ्या एकेरीत जोश्ना चिनप्पाने चान हो लीगला 3-2 ने पराभूत केले. अनाका अलंकामोनीने अखेरच्या लढतीत भारताला विजय मिळवून दिला.

टेनिस : भारताने पाकिस्तानला हरवले
भारताने टे‍निसच्या महिला दुहेरीतील पहिल्या लढतीतच पारंपरिक प्रतिस्पर्धी पाकिस्तानला 2 -0 ने पराभूत करून शानदार सुरुवात केली. भारताची श्वेता चौधरी आणि रिशिका सुनहारा यांनी पाकिस्तानची सारा मन्सूर आणि उश्ना सुहेल या जोडीला अवघ्या 57 मिनिटांत पराभूत केले. भारतीय खेळाडूंनी या लढतीत 6 -4, 6 -0 ने विजय मिळवला. एकेरीत नताशाचा पराभव झाला.

पुढील स्‍लाइडवर पाहा, इंचियोन मधील लेटेस्‍ट फोटो