दुस-या लढतीत भारताचा इंग्लंडवर127 धावांनी विजय; मालिकेत बरोबरी

कोची- भारत आणि इंग्लंड यांच्यातील पाच एकदिवसीय सामन्यांच्या मालिकेतील दुस-या लढतीत भारताने इंग्लंडवर १२७ धावांनी दणदणीत विजय मिळवत मालिकेत बरोबरी साधली. मधल्या फळीतील फलंदाज रविंद्र जडेजा याच्या अष्टपैलू कामगिरीच्या जोरावर भारताने ही कामगिरी केली. राजकोटमधील पहिला सामना भारताने ९ धावांनी गमाविला होता.

कोची येथे झालेल्या या लढतीत भारताने प्रथम फलंदाजी करीत ६ बाद २८५ धावांचा डोंगर उभारला होता. मात्र, इंग्लंडचा संघ ३६ षटकात १५८ धावांत गुंडाळला गेला. इंग्लंडकडून पीटरसन (४२) जे. रुट (३६) आणि समित पटेल नाबाद ३० यांनी सर्वांधिक योगदान दिले. त्याआधी सुरैश रैना (५५), कर्णधार महेंद्रसिंग धोनी (७२) आणि रविंद्र जडेजा (नाबाद ६१) यांनी ४ बाद ११९ अशा अडचणीतून बाहेर काढत संघाला सन्मानजनक धावसंख्या गाठून दिली होती.