इंग्‍लंडविरूद्धच्‍या तिसर्‍या कसोटीसाठी सुनील नारायणला संधी

लंडन- आयपीएल - 5 चा 'मालिकावीर' विंडीजचा सुनील नारायण इंग्लंडविरुद्ध तिसर्‍या कसोटीत खेळणार आहे. दुखापतीमुळे वेगवान गोलंदाज केमार रोचला विर्शांती देण्यात आली आहे. त्याच्या जागी सुनीलला संधी मिळाली आहे. येत्या 7 जून रोजी हा सामना खेळवला जाणार आहे. इंग्लंडने ही मालिका 2-0 ने खिशात घातली आहे. या सामन्यातून सुनील आपल्या कसोटी कारर्कीदीला सुरुवात करणार आहे. इंग्लंडविरुद्धची कसोटी मालिका सोडून तो कोलकाता नाइट रायडर्सकडून आयपीएलमध्ये खेळला. धारदार गोलंदाजीच्या बळावर 24 बळी घेत तो यंदाच्या मोसमातला हीरो ठरला.