आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Aamir Khan Birthday Special,'Sarfarosh' Director John Mathew Mathan Reveals Interesting Fact

'सरफरोश'चे दिग्दर्शक जॉन मॅथ्यू माथन म्हणाले, सेटवर जो अधिक ज्ञान देतो त्याच्यासोबत आमिर चेस खेळू लागतो

2 वर्षांपूर्वी
  • कॉपी लिंक

अमित कर्ण : आमिर खान आज आपला वाढदिवस साजरा करत आहे. यावेळी त्याच्यासोबत काम करणारे दिग्दर्शक जॉन मॅथ्यू माथन यांनी त्याच्याशी संबंधित गोष्टी शेअर केल्या. मी जेव्हा 'सरफरोश' चित्रपटात आमिरबरोबर काम केले होते, त्यावेळी तो एक अ‍ॅड फिल्म करत होता. राजकमल स्टुडिओत मी त्याची भेट घेतली. तो शूट करत होता. मी त्याला सांगितले की, मी एक स्क्रिप्ट लिहिले आहे, जी मला तुला सांगायची आहे, त्याने दहा दिवसाच्या आतील वेळ दिला. मी सनी सुपर साउंडवर गेलो जिथे त्याच्या चित्रपटाच्या बॅकग्राऊंड म्युझिक स्कोअरचे काम सुरु होते. हा त्याच्या वडिलांचा चित्रपट होता. त्याच्यासोबत जुही चावला होती आणि महेश भट्ट दिग्दर्शक होते. 


तो म्हणाला की, आपल्याकडे स्क्रिप्ट सांगायला फक्त अर्धा तास आहे, त्यामध्ये सांगा. मी तिथे हार्ड बाउंड स्क्रिप्ट घेऊन गेलो होते, तेव्हा मी म्हणालो की मी अर्ध्या तासात सांगू शकत नाही, मला किमान तीन तासांची आवश्यकता आहे. त्यालाही ते मान्य झाले. एका आठवड्यानंतर त्याने मला त्याच्या घरी बोलावले. दरवाजा बंद करून पत्नीला त्याचे फोन उचलू नको मला स्क्रिप्ट ऐकायची आहे, असे सांगितले. त्यानंतर मी संपूर्ण तीन तासाची स्क्रिप्ट त्याला ऐकवली आणि नरेशन संपताच तो म्हणाला, "मी आपला चित्रपट करतोय". आजपर्यंत माझ्या मित्रांना माझ्यावर विश्वास बसत नाही की आमिरने एकाच बैठकीत मला हो कसे म्हटले? तथापि, त्या दरम्यान चित्रपट सुरु व्हायला चार वर्षे लागली कारण आमिर दुस-या चित्रपटांमध्ये बिझी होता. त्यावेळी तो दोन-तीन चित्रपट करत होता ज्यांना खूप वेळ लागला. दरम्यान, मी जेव्हा जेव्हा आमिरला भेटलो, तेव्हा तो असे म्हणत राहिले की, आपण चार महिन्यांनंतर चित्रपट बनवणार आहोत.


आमिर दिग्दर्शकाचा मुद्दा पूर्णपणे स्वीकारतो. त्याने माझे ऐकले. आम्ही चित्रपटाच्या एका सीनचे चित्रीकरण करत होतो जिथे तो नसीरुद्दीन शाहच्या वाड्यातून बाहेर पडतो. या दरम्यान, आमिरने त्याच्या ड्रेस मॅनकडून काळा चष्मा घेतला आणि मला विचारले की जॉन मी हा चष्मा घालू का? मी हो म्हणालो पण डोकं नाही म्हणून हलवलं, आमिरने लगेच चष्मा परत ड्रेसमॅनला दिला. यामागील कारण असे होते की माझा नायक एक अष्टपैलू नायक आहे, त्याला कोणत्याही प्रकारच्या सजावटीची आवश्यकता नाही. संपूर्ण चित्रपटाच्या वेळी आमिर माझ्या बरोबर होता. मेकिंगच्या वेळी जो कोणी मला त्रास देत असे, स्वत: आमिर त्याच्याकडे जायचा आणि त्याला समजवायचा आणि मग चित्रपटाचे शूटिंग सुरळीत चालू होते.


जर एखाद्याने सेटवर अधिक ज्ञान दिले तर आमिर त्याच्याबरोबर बसून चेस खेळत असे. बाकी आमिरला प्रश्न विचारण्याची सवय आहे. त्याने मला बरेच प्रश्न विचारले. हे दृश्य का आवडते? हा संवाद का? आणि इतर. एकंदरीतच तो त्याच्याबरोबर काम करण्याचा खूप आनंददायी अनुभव होता. आम्ही 112 दिवसांत चित्रपटाचे शूटिंग पूर्ण केले. त्यानंतर आमिरच्या लायकीची अशी कोणतीही स्क्रिप्ट माझ्याकडे आली नाही, त्यानंतर आम्ही कधी एकत्र काम केले नाही. मी बर्‍याचदा त्याला भेटतो. त्याच्या वाढदिवशी मला असे म्हणायचे आहे की तू कायम असाच आनंदी राहा. जर तुम्ही आयुष्यात आनंदी असाल तरच सर्व काही करू शकता.