अदनान सामीची सडेतोड प्रतिक्रिया, काँग्रेस प्रवक्त्याला विचारले - मेंदू क्लियरन्स सेलमधून आणला आहे का ?

बॉलिवूड डेस्क : सिंगर अदनान सामीने काँग्रेस प्रवक्ता जसवीर शेरगिलच्या त्या ट्वीटवर सडेतोड प्रतिक्रिया दिली आहे, ज्यामध्ये त्याच्या पद्मश्रीला सरकारची चमचेगिरीची असल्याचे जादू म्हणाले आहे. अदनानने शेरगिलच्या ट्वीटवर उत्तर देत लिहिले, "बाळा तू काय आपला मेंदू क्लियरन्स सेलमधून आणला आहे का की, मग सेकंड हॅन्ड नॉव्हेल्टी स्टोअरमधून खरेदी केला आहे. बर्कलेमध्ये तुला हेच शिकवले गेले आहे की माता-पित्याच्या कृत्यासाठी मुलगा जबाबदार किंवा शिक्षेस पात्र असतो ? आणि तू वकील आहेस ? लॉ स्कूलमध्ये तू हेच शिकला आहे का ? यासाठी शुभेच्छा." 

काय म्हणाला होता जसवीर... 

जसवीरने अदनानच्या पद्मश्रीबद्दल नरेंद्र मोदी सरकारवर निशाणा साधत ट्वीट केले होते. त्याने लिहिले होते, “कारगिल युद्धात सामील असलेले आमचे सैनिक आणि सेनेचे माजी ऑफिसर मोहम्मद सनाउल्लाह यांना घुसखोर घोषित केले गेले. तसेच भारताविरुद्ध युद्ध लढणाऱ्या पाकिस्तानी वायुसेनेच्या पायलटच्या मुलाला पद्मश्री दिला जात आहे. ही एनआरसी आणि सरकारची चमचेगिरी केल्याची जादू आहे."

2016 मध्ये अदनानला मिळाले भारताचे नागरिकत्व... 

लंडनमध्ये जन्मलेल्या अदनान सामीचे पिता पाकिस्तानी एअरफोर्समध्ये पायलट होते. सिंगरने 2015 मध्ये भारतीय नागरिकत्वासाठी निवेदन दिले होते. जे त्याला जानेवारी 2016 मध्ये मिळाले. अदनान त्या 118 व्यक्तींमध्ये सामील आहे. ज्याला शनिवारी पद्मश्री दिले जाण्याची घोषणा केली गेली होती. गृह मंत्रालयाच्या यादीमध्ये त्याचे घर महाराष्ट्रात दाखवले गेले आहे.