आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

विमान इंधन 26% स्वस्त; पेट्रोलपेक्षा 11 रु. कमी, केरोसीनपेक्षा 1 रु. महाग

2 वर्षांपूर्वी
  • कॉपी लिंक

नवी दिल्ली- विमान इंधनाच्या (एटीएफ) दरात मंगळवारी आजवरची सर्वात मोठी १४.७% कपात झाली. मंगळवारी दिल्लीत एटीएफचा दर ५८,०६० रुपये प्रति किलोलिटर होता. ताे ३० नोव्हेंबर ७६,३७८ रुपये किलोलिटर म्हणजे ७६.४ रुपये लिटर होता. आता हे दर ५८ रुपयांवर आले आहेत. या हिशेबाने एका महिन्यात दोन वेळा दर २६.६% घटले आहेत. तेल कंपन्यांनुसार, आंतरराष्ट्रीय बाजारात कच्चे तेल स्वस्त झाल्याने ही कपात करण्यात आली आहे. 

 

कंपन्या : तोटा कमी होणार 
विमान कंपन्यांच्या खर्चात ३५-४०% वाटा इंधनाचाच असतो. इंडिगोला एप्रिल-जून तिमाहीत २८ कोटींचा नफा झाला. मात्र पुढच्या तिमाहीत ६५२ कोटींचा तोटा. दरम्यान, एटीएफ ७० रु. लिटर होते. आता हे दर १२ रुपयांनी घटले आहेत. कच्चे तेल ५७.८ डॉलर प्रतिबॅरल आहे. ते नोव्हेंबरमध्ये ६५ डॉलर होते. ते ११% स्वस्त झाले आहे.