Home | Maharashtra | Western Maharashtra | Ahmednagar | big amount of alcohol cached by police in Nagar

परराज्यातील दारूचा मोठा साठा नगर शहराजवळ जप्त

प्रतिनिधी | Update - Dec 07, 2018, 08:53 AM IST

उत्पादन शुल्क विभागाने नगर शहराजवळ कारवाई करत जप्त केलेले दारुचे बॉक्स. कारवाईत सहभागी झालेले अधिकारी कर्मचारी.

  • big amount of alcohol cached by police in Nagar

    नगर- महापालिका निवडणुकीत राज्य उत्पादन शुल्क विभागाने नगर शहराजवळ राज्यात प्रतिबंधीत असलेल्या मद्याचा मोठा साठा जप्त केला आहे. या कारवाईत ४ वाहने व दारुसह २४ लाख ४१ हजार ७०० रुपयांचा मुद्देमाल जप्त करण्यात आला असून ४ आरोपींना अटक केली आहे.


    महापालिका निवडणुकीत दारुचा वापर रोखण्याच्या दृष्टीने उत्पादन शुल्क विभागाने कारवाईची मोहीम हाती घेत नगर, पारनेर आणि राहुरी तालुक्यातही मोठी कारवाई केली आहे. जिल्हाधिकारी राहुल द्विवेदी यांच्या मार्गदर्शनाखाली पुणे विभागीय उपायुक्त अर्जुन ओहोळ, उत्पादन शुल्क विभागाचे अधीक्षक पराग नवलकर, उपअधीक्षक सी. पी. निकम, निरीक्षक संजय सराफ, ए. बी. बनकर, दुय्यम निरीक्षक एस. एस. भोसले, प्रभारी निरीक्षक एस. आर. कुसळे (श्रीरामपूर विभाग), निरीक्षक अनिल पाटील, कॉन्स्टेबल प्रवीण साळवे, विजय पाटोळे यांच्यासह नगर आणि श्रीरामपूर कार्यालयाचे अधिकारी, कर्मचारी या कारवाईत सहभागी झाले होते. या कारवाईत चार आरोपींना अटक करण्यात आली असून त्यात नगर, बीड आणि दमण येथील आरोपींचा समावेश आहे.

Trending