आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

Birthday Special : अजानच्या वादापासून ते फ्लाइटमध्ये गाणे म्हणण्यापर्यंत, सोनू निगमचे वादांशी आहे खूप दृढ नाते 

2 वर्षांपूर्वी
  • कॉपी लिंक

बॉलिवूड डेस्क : सोनू निगम आज आपला 46 वा वाढदिवस साजरा करत आहे. सोनूचा जन्म हरियाणाच्या फरीदाबादमध्ये 30 जुलै 1973 ला झाला होता. त्याने 4 वर्षे वयापासून गायला सुरुवात केली होती. तो आपले पिता आगम कुमार निगमसोबत स्टेजवर गायचा. 18 वर्षांच्या वयामध्ये त्याचे पिता त्याला प्लेबॅक सिंगर बनण्यासाठी मुंबईला आले होते. खूप संघर्षानंतर 1993 मध्ये त्याला चित्रपट 'आजा मेरी जान' यामध्ये 'ओ आसमान वाले' हे गाणे गाण्याची संधी मिळाली. प्लेबॅक सिंगर म्हणून हे त्याचे पहिले गाणे आहे. तो आपल्या गाण्यासोबतच ना घाबरता आपले मत मांडण्यासाठी ओळखला जातो. त्याच्या वाढदिवसाच्या निमित्ताने जाणून घेऊयात त्याच्याविषयी काही खास किस्से...

 

भूषण कुमार यांच्यासाठी गायला 'रफी की यादे' हा अल्बम... 
सोनूला ओळख त्याच्या चित्रपटांमुळे नाही तर त्याच्या अल्बममुळे मिळाली. झाले असे कि, टी-सीरीजचे मालक भूषण कुमार यांना त्याचा आवाज खूप आवडला आणि त्यांनी मोहम्मद रफी यांच्या गाण्याचा एक अल्बम 'रफी की यादे' तयार करण्याचे मन बनवले. यासाठी त्यांनी सोनूला निवडले. सोनूच्या आवाजमध्ये रफी यांची गाणी लोकांना खूप आवडली. याद्वारे त्याने इंडस्ट्रीमध्ये ओळख मिळाली. पण तरीही त्याला चांगल्या चित्रपटात गाण्याच्या ऑफर मिळाल्या नाही. खूप काळ त्याने बी-सी ग्रेड चित्रपटासाठी गाणे गायले. चित्रपट 'बेवफा सनम' मध्ये त्याने 'अच्छा सिला दिया तूने मेरे प्यार का' हे गाणे गायले. हे गाणे हिट झाले आणि त्याला हळू हळू ओळख मिळाली. यादरम्यान त्याला टीव्ही शो 'सा रे गा मा पा' मध्ये होस्ट म्हणून पहिले गेले होते. त्याला शोमध्ये खूप पसंत केले गेले होते.  

 

'बॉर्डर' आणि 'परदेस'ने मिळवून दिली खरी ओळख... 
1997 मध्ये आलेला जेपी दत्ताचा चित्रपट 'बॉर्डर' मध्ये गाण्याची ऑफर मिळाली. त्याने चित्रपटात 'संदेसे आते हैं' हे गाणे गायले. हे गाणे सुपरहिट झाले आणि त्याला पूर्ण देशात ओळख मिळाली. यानंतर त्याने सुभाष घई यांचा चित्रपट 'परदेस' मध्ये 'ये दिल दिवाना' हे गाणे गायले. सोनूसाठी ही दोन गाणी खूप महत्वाची ठरली. त्याच्याकडे चित्रपटांच्या गाण्याच्या अनेक ऑफर्स आल्या आणि एकानंतर एक अनेक चित्रपटांत खूप गाणी गायली. 

 

'कल हो ना हो' साठी मिळाला राष्ट्रीय पुरस्कार... 
त्याने हिंदीव्यतिरिक्त तमिळ, तेलगु, इंग्रजी, कन्नड, बंगाली, भोजपुरी, उडिया, पंजाबी, मल्याळम आणि मराठी भाषांमध्येदेखील गाणी गायली. 2004 मध्ये आलेला चित्रपट 'कल हो ना हो' च्या टायटल ट्रॅकसाठी त्याला राष्ट्रीय पुरस्काराने सन्मानित केले गेले. याव्यतिरिक्त त्याला आयफा, फिल्म फेयर, एमटीव्ही आणि जीमा अवॉर्डदेखील मिळाले आहेत. अभिनेता म्हणून त्याने चित्रपट 'प्यारा दुश्मन', 'जानी दुश्मन', 'काश आप हमारे होते' और 'लव्ह इन नेपाल' मध्ये काम केले. पण त्याच्या अभिनयाला प्रेक्षकांनी स्वीकारले नाही. हे सर्व चित्रपट फ्लॉप ठरले आणि सोनूने अभिनयाचा विचार आपल्या डोक्यातून काढून टाकून आपल्या सिंगिंगवर लक्ष केंद्रित केले.  

 

वादांशी आहे सोनूचे जुने नाते... 
सोनू निगमचा एका म्युझिक कंपनीसोबत वाद झाला होता, त्यानंतर त्याने संगीतामधून सन्यास घेण्याचाही निर्णय घेतला होता. त्याने ट्विटरवर हा मुद्दा मांडला. पण सोनूच्या फॅन्सने त्याला सपोर्ट केले आणि आपला निर्णय परत घेण्याचे सांगितले आणि सोनूने आपले मन बदलले. 

 

एवढेच नाही सोनू निगम राधे मां ला सपोर्ट केल्यामुळेही तो वादांमध्ये फसला होता. वर्ष 2015 मध्ये सोनूने राधे मांच्या समर्थनामध्ये एकानंतर एक तीन ट्वीट करून तिचा बचाव केला होता. तिची तुलना त्याने काली मातेशी केली होती. त्यानंतर त्याला वादांचा सामना करावा लागला होता.  

 

प्रवासादरम्यान सोनू निगमने जेट एयरवेजच्या फ्लाइटमध्ये गाणे गायले. त्यानंतर तो पुन्हा एकदा वादांमध्ये अडकला होता. त्याने फ्लाइटमध्ये उद्घोषणा प्रणालीचा वापर करून गाणे गायले होते, त्यानंतर क्रू मेंबर्सला निलंबित केले होते. सोनू निगमच्या गाण्यांचा व्हिडीओ सोशल मीडियावर व्हायरल झाल्यानंतर त्यावर खूप वाद झाला होता. 

 

मागच्यावर्षी सोनू निगमने अजानबद्दल एक वक्तव्य केले होते, त्यानंतर त्याला खूप ट्रोल केले गेले होते. त्याने लिहिले होते की, लाउडस्पीकरने केल्या जाणाऱ्या अजानने त्याची झोप खराब होते. त्याने ही, धार्मिक कट्टरता सहन का करावी. असे करणे म्हणजे सरळ सरळ गुंडगिरी आहे. हा वाद एवढा वाढला होता की, सोनूमा आपले केसही कापावे लागले होते. 

बातम्या आणखी आहेत...