आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

पाचवीला शिकणारी मुलगी झाली Pregnant; शाळेच्या प्राचार्यासह शिक्षकाला करायचा बलात्कार

3 वर्षांपूर्वी
  • कॉपी लिंक

पाटणा - बिहारच्या राजधानीतील एका शिक्षणाच्या मंदिरात माणुसकीला काळीमा लावणारी घटना घडली आहे. येथील शाळेत अवघ्या पाचवीत शिकणाऱ्या मुलीवर गेल्या अनेक महिन्यांपासून लैंगिक अत्याचार सुरू होते. आई-वडिलांनी ज्या प्रिन्सिपल आणि शिक्षकांवर विश्वास ठेवून आपल्या मुलीला शाळेत सोडले, त्यांनीच चिमुकलीचे आयुष्य उद्ध्वस्त केले आहे. अनेक महिन्यांपासून अत्याचार सुरू होता. मुलीला गर्भधारणा झाल्यानंतर या घृणास्पद कृत्याचा खुलासा झाला. या प्रकरणी प्राचार्य आणि शिक्षकाच्या विरोधात गुन्हा दाखल करण्यात आला आहे.


ज्याला अत्याचाराची माहिती मिळाली त्यानेही केला रेप
पोलिसांनी दिलेल्या माहितीनुसार, येथील एका खासगी शाळेत प्रिन्सिपल असलेल्या राज सिंघानिया विरोधात अल्पवयीन मुलीवर बलात्काराचा गुन्हा दाखल करण्यात आला आहे. या प्रकरणात शाळेतील आणखी एक कर्मचाऱ्यावर सुद्धा आरोपी आहे. शाळेचा प्राचार्य पाचवीतील मुलीवर बलात्कार करत असल्याची माहिती त्या शिक्षक/अकाउंटंटला मिळाली होती. परंतु, त्याने यासंदर्भात कुठेही तक्रार दाखल केली नाही. उलट त्याने सुद्धा त्या चिमुकलीची लैंगिक शोषण सुरू केले. 


असा झाला खुलासा
मुलीवर कित्येक महिन्यांपासून दोन नराधम बलात्कार करत होते. परंतु, आई-वडिलांना त्याचा पत्ता देखील नव्हता. नुकतेच मुलीचे आरोग्य बिघडल्यानंतर आई-वडील तिला क्लिनिकवर घेऊन गेले. त्या ठिकाणी डॉक्टरने या मुलीला गर्भधारणा झाल्याचा खुलासा केला. तिच्या पोटात 2 महिन्यांचे बाळ होते. पालकांनी वेळीच पोलिसांत धाव या घटनेची तक्रार दाखल केली. पोलिसांनी मुलीच्या जबाबानंतर प्रिन्सिपल आणि शिक्षकाला अटक केली. त्या दोघांनी आपल्या गुन्ह्याची कबुली दिली. त्यांच्या विरोधात पोक्सो अंतर्गत गुन्हा दाखल करण्यात आला आहे. 

 

बातम्या आणखी आहेत...