आपल्या शहरातील ताज्या बातम्या आणि ई-पेपर मिळवा मोफत
Install AppADS Free बातम्या वाचण्यासाठी आताच इंस्टॉल करा दिव्य मराठी अॅप
जळगाव - लहानपणापासून आपल्याला जादूचे मोठे आकर्षण असते. जादू ही लहान मुलांसह मोठ्यांनाही अचंबित करते. जादू करणे हे कठीण असले तरी ती करण्यासाठी कोणतीही शक्ती लागत नाही. जादू करण्यासाठी टेक्नॉलॉजी लागत असल्याचे जादूगर तथा सुमित छाजेड यांनी सांगितले. छाजेड यांनी जादूच्या माहितीसह प्रात्यक्षिक करून दाखवले. चष्मा जागेवरून हलवून दाखविणे, तोंडात टाकलेला मोती डोळ्यातून बाहेर काढणे, आपल्या मनातील राणी कार्डच्या साहाय्याने काढणे, एक्स-ओच्या सहाय्याने गणेशाची मूर्ती तयार करणे, हातात हात घेतल्यावर ते चोळून फुलांचा वास येणे यांसारख्या अनेक जादूई कला दाखवत त्यांनी कर्मचाऱ्यांचे मनोरंजन केले. त्यांच्या पत्नी कोमल छाजेड उपस्थित होत्या. त्या दोघांशी दिव्य मराठी जळगावचे निवासी संपादक त्र्यंबक कापडे आणि संपादकीय विभागातील इतर सहकाऱ्यांनी संवाद साधला.
Copyright © 2020-21 DB Corp ltd., All Rights Reserved
This website follows the DNPA Code of Ethics.