आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

माजी विशेष संचालक राकेश अस्थाना यांना लाचलुचपत प्रकरणात दिलासा, पुरेसे पुरावे नसल्याने कोर्टाने दिली क्लीन चीट

एका वर्षापूर्वी
  • कॉपी लिंक
  • राकेश अस्थाना आणि डीएसपी देवेंद्र कुमार यांना 2018 मध्ये अटक करण्यात आली होती
  • सीबीआयचे माजी विशेष संचालक राकेश अस्थाना यापूर्वीही वादात सापडले आहेत

नवी दिल्ली - सीबीआयच्या विशेष कोर्टाने शनिवारी केंद्रीय अन्वेषण यंत्रणेचे माजी विशेष संचालक राकेश अस्थाना आणि डीएसपी देवेंद्र कुमार यांना लाचलुचपत प्रकरणात क्लीन चिट दिली. सीबीआयने दाखल केलेल्या आरोपपत्राला मान्यता देताना विशेष न्यायाधीश संजीव अग्रवाल म्हणाले की, अस्थाना आणि कुमार यांच्याविरूद्ध पुढील कारवाईसाठी पुरेसे पुरावे नाहीत. भविष्यातील चौकशीत नवीन तथ्य समोर आल्यास आम्ही पाहू. 11 फेब्रुवारी रोजी तपास यंत्रणेने दाखल केलेल्या आरोपपत्रात अस्थाना व अन्य आरोपींविरूद्ध भ्रष्टाचाराचा पुरावा मिळाला नसल्याचे सांगितले होते. 



सुनावणी दरम्यान या प्रकरणातील आरोपी मनोज, त्यांचा भाऊ सोमेश्वर प्रसाद आणि त्यांचे सासरे सुनील मित्तल यांच्या विरोधात पुरेसे पुरावे नसल्याचे कोर्टाने म्हटले. न्यायालयाने सोमेश्वर प्रसाद आणि मित्तल यांना 13 एप्रिल रोजी कोर्टात हजर राहण्याचे आदेश दिले आहेत. 



अस्थाना आणि कुमार यांना 2018 मध्ये अटक करण्यात आली होती


सीबीआयने अस्थाना आणि कुमार यांना ऑक्टोबर 2018 मध्ये अटक केली होती. त्यानंतर दोघांना जामीन देण्यात आला. या दोघांनाही आरोपी बनविण्यासाठी पुरेसे पुरावे नसतानाही त्यांची नावे दोषारोपपत्रातील स्तंभ 12 मध्ये लिहिली होती. सीबीआयने हैदराबाद येथील व्यावसायिक सतीष साना यांच्या तक्रारीवरून अस्थाना विरोधात गुन्हा दाखल केला होता. साना यांनी अस्थाना यांच्यावर 10 कोटी रुपये लाच मागितल्याचा आरोप केला होता. सतीष यांनी अस्थाना यांना डिसेंबर 2017 नंतर 10 महिन्यांत लाचेची रक्कम देण्याबाबत सांगितले होते. अस्थाना यांच्या नेतृत्वाखालील पथक साना आणि मांस व्यापारी मुईन कुरेशी यांच्या विरोधात 2017 च्या प्रकरणात चौकशी करीत होते. याच प्रकरणातील अटक टाळण्यासाठी साना यांनी अस्थानाला लाच दिल्याचा दावा केला होता.



नेहमीच वादात राहिले अस्थाना 


सीबीआयमध्ये दुसऱ्या क्रमांकावर तैनात राहिलेले राकेश अस्थाना यापूर्वीही वादात सापडले आहेत. आधी सीबीआयचे माजी संचालक आलोक कुमार यांच्यासोबतच्या तनावामुळे तो वादात सापडला होते. यानंतर सीबीआयने त्यांच्याविरूद्ध लाचलुचपत प्रतिबंधक कायद्यांतर्गत गुन्हा दाखल केला होता. मात्र त्यानंतर सरकारने अधिकाऱ्यांच्या बदल्या केल्यानंतर प्रकरण शांत झाले होते.