आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

हेमा मालिनीची फिकी पडली जादू, रमेश सिप्पींचे दिग्दर्शन ठरले फेल

3 वर्षांपूर्वी
  • कॉपी लिंक

रेटिंग1/5
स्टारकास्ट हेमा मालिनी, रकुल प्रीत सिंह, राजकुमार राव
दिग्दर्शक रमेश सिप्पी
निर्माता रमेश सिप्पी, रोहन सिप्पी, किरण जुनेजा
संगीतकारमीत ब्रदर्स 
श्रेणी कॉमेडी
कालावधी129 मिनिटे

बॉलिवूड डेस्कः 'शिमला मिर्ची' या चित्रपटाद्वारे हिंदी सिनेसृष्टीतील प्रसिद्ध दिग्दर्शक रमेश सिप्पी तब्बल 20 वर्षानंतर दिग्दर्शक म्हणून पुनरागमन करीत आहे.  चाहत्यांच्या त्यांच्याकडून मोठ्या अपेक्षा होत्या, परंतु त्यांच्या पदरी मोठी निराशा आली आहे. आपल्या काळात दर्जेदार चित्रपट बनवणा-या रमेश सिप्पी यांनीच या चित्रपटाचे दिग्दर्शन केले, यावर विश्वास बसणार नाही. त्यांच्या काळातील त्यांची आवडती अभिनेत्री हेमा मालिनी असतानाही चित्रपटाची जादू चालली नाही. राजकुमार राव आणि रकुल प्रीत सिंह ही आजच्या काळातील फेव्हरेट जोडीही या चित्रपटात आहे. 

हेमा यांची जादू चालली नाहीः हेमा मालिनी यांना रमेश सिप्पींनी 'शोले' ते 'सीता और गीता' पर्यंत रंजक आणि भक्कम पात्र दिले होते. या चित्रपटात त्यांनी रुक्मिणीची भूमिका साकारली, पण त्या तीळमात्रही आपला प्रभाव सोडू शकल्या नाही. त्या लाऊड आणि मेलोड्रॅमॅटिक वाटल्या. हेमा मालिनीच्या करिअरमधील हा सर्वात वाईट चित्रपट ठरला आहे. आपल्या मुलीच्या वयाच्या तरुणाच्या प्रेमात पडलेल्या रुक्मिणीची भूमिका त्यांनी साकारली आहे.


रमेश सिप्पी यांनी आजच्या काळाला प्रासंगिक बनवण्यासाठी कौसर मुनीर, ऋषी विरमणी, विपुल मिनजोला यांना एकत्र करून टीम बनवली. शिमल्याच्या सुंदर लोकेशनवर चित्रीकरण केले. पण अभि (राजकुमार राव), रुक्मिणी (हेमा मालिनी), दादी (कमलेश गिल), नैना (रकुल प्रीत सिंह) ते अभिच्या कुटूंबातील बुवा (किरण जुनेजा) मधील कुठलीही पात्रे रंजक बनली नाहीत. 


मुळात हा एक विनोदी चित्रपट आहे. तिलक (कंवलजीत सिंग) पासून घटस्फोटाच्या उंबरठ्यावर असलेल्या रुक्मिणीच्या आयुष्यात तिची मुलगी नैनाला आनंद आणायचा आहे. हा रंग अभिच्या प्रेमाने तिला भरायचा आहे, जो नैनाच्या वयाचा आहे. नैनावर प्रेम करतो, पण व्यक्त करण्यास अक्षम आहे. अभिनला नेमके काय सांगायचे आहे ते नैनाला समजू शकत नाही. अभिच्या प्रेमात पडलेली रुक्मिणी सर्वांच्या आयुष्यात कोणता रंग भरते याविषयी हा चित्रपट आहे.


आपल्या वयातील मुलांच्या प्रेमात पडण्यासाठी वृद्धांना एक ठोस कारण आवश्यक आहे. या मुळ कारणापासून हा चित्रपट दूर आहे. गाणी आणि संगीतापासून ते शिमलाचे सौंदर्य आणि लोकांच्या भावनापर्यंत काहीच जुळून आलेले नाही. हा चित्रपट बघून निराश होण्यापलीकडे काहीही हाती येणार नाही.  

बातम्या आणखी आहेत...