बाईक खराब झाल्‍यामुळे त्रस्‍त उभ्‍या 2 मैत्रिणींवर मदतीसाठी आलेल्‍या 11 मुलांनी केला गँगरेप

लोहरदगा (झारखंड) - अल्‍पवयींन मुलींवर मदतीच्‍या नावाखाली 11 नराधमांनी गँगरेप केल्‍याची धक्‍कादायक घटना 16 ऑगस्‍टरोजी लोहरदगा येथे घडली.  याप्रकरणी 11 आरोपींना अटक करण्‍यात आली आहे. या दोन 16 मुली बाईकवर फिरण्‍यासाठी बाहेर पडल्‍या होत्‍या. मात्र एका पुलाखाली साचलेल्‍या पाण्‍यामधून जात असताना त्‍यांची बाईक बंद पडली. यावेळी तेथे मदतीसाठी म्‍हणून गेलेल्‍या 11 मुलांनी त्‍यांच्‍यावर सामूहिक बलात्‍कार केला.

 

अशी घडली घटना
- बाईक बंद पडली तेव्‍हा मुलींनी आपल्‍या मित्राला फोन लावून त्‍याच्‍याकडून मदत मागितली होती. मित्राने आपल्‍या दुस-या मित्राला त्‍यांची मदत करण्‍यासाठी तेथे पाठविले. हा दुसरा मित्र आपल्‍या इतर काही साथादारांसह तेथे गेला. मात्र घटनास्‍थळी गेल्‍यावर त्‍यांची नियत खराब झाली. त्‍यांनी दोन्‍ही मुलींना घटनास्‍थळी नेले व नंतर त्‍यांच्‍यासोबत सामूहिक दुष्‍कर्म केले.
- घटनेनंतर आरोपींनी मुलींकडून त्‍यांचे मोबाईल हिसकावून घेतले होते. मुलींनी घटनेच्‍या दुस-या दिवशी याबाबत पोलिसांकडे तक्रार दिली. त्‍यानंतर पोलिसांनी टास्‍क फोर्स तयार करून सर्व आरोपींना अटक केली आहे.
- याबाबत एसपी आलोक प्रियदर्शी यांनी सांगितले की, मुलींकडून हिसकावलेला मोबाईल आरोपी अमित बाडाच्‍या घरातून ताब्‍यात घेण्‍यात आला आहे.