आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

सोपे नाही नागा साधू होणे, कठीण परीक्षांमधून गेल्यानंतर मिळते दीक्षा

2 वर्षांपूर्वी
  • कॉपी लिंक

मकरसंक्रांतीपासून प्रयागराज (अलाहाबाद) येथे महाकुंभ (Mahakumbh 2019) ची सुरुवात होत आहे. मकरसंक्रांतीला पहिले शाही स्नान होईल. सर्व 13 आखाड्यांचे साधू-संत प्रयागराज येथील संगम तटावर डुबकी  लावून महाकुंभ (Kumbh mela 2019)ची सुरुवात करतील. या महाकुंभमध्ये नागा साधू लोकांच्या आकर्षणाचे केंद्र आहेत. साधू-संतांचे जीवन तसेची कठीणच असते परंतु नागा साधूंचे जीवन सर्वात जास्त कठीण असते. नागा साधू बनण्याची प्रक्रिया सोपी नाही. यांना कठोर नियम-कायदे आणि शिस्तीचे पालन करावे लागते. 


जुना आखाड्याचे महंत विजयगिरी महाराजांनी दिलेल्या माहितीनुसार नागा साधूंना लष्करातील सैन्याप्रमाणे तयार केले जाते. सैन्याच्या ट्रेनिंगपेक्षा कठोर ट्रेनिंग नागा साधूंना दिली जाते. यांना धर्म रक्षक आणि योद्धा मानले जाते. एका सामान्य माणसापासून नागा साधू बनण्याचा मार्ग खूप कठीण असतो. नागा साधू बनण्यापूर्वी स्वतःचे पिंडदान करावे लागते. प्रत्येक आखाड्याची दीक्षा देण्याची पद्धत वेगवेगळी आहे. परंतु काही नियम-कायदे असेही आहेत जे प्रत्येक आखाड्याला पाळावे लागतात. जाणून घ्या, त्या नियमांची माहिती...


चौकशी -
जेव्हा एखादा व्यक्ती साधू बनण्यासाठी आखाड्यात जातो, तेव्हा त्याला लगेच आखाड्यात प्रवेश मिळत नाही. आखाडा स्वतःच्या पद्धतीने त्या व्यक्तीची पूर्ण चौकशी करतो. व्यक्तीला साधू कशासाठी व्हायचे? त्याच्या कुटुंबाची संपूर्ण पार्श्वभूमी पहिली जाते. जर आखाड्यातील सदस्यांना तो व्यक्ती साधू बनण्यास योग्य आहे असे वाटले तरच त्याला आखाड्यात प्रवेश दिला जातो.


ब्रह्मचर्याचे पालन -
आखाड्यात प्रवेश मिळाल्यानंतर त्याची ब्रह्मचार्याची परीक्षा घेतली जाते. यासाठी सहा महिन्यांपासून 12 वर्षांचा काळ लागू शकतो. या प्रक्रियेत केवळ दैहिक ब्रह्मचर्यच नाही तर मानसिक नियंत्रणही पारखले जाते. अचानक कोणालाही दीक्षा दिली जात नाही. संबंधित व्यक्ती पूर्णपणे इच्छा आणि वासनेपासून मुक्त झाला आहे की नाही, याची खात्री केली जाते.


पाच गुरु - 
त्या व्यक्तीने ब्रह्मचार्याची परीक्षा पूर्ण केल्यानंतरच तो महापुरूष बनतो. त्याचे पाच गुरु ठरवले जातात. हे पाच गुरु पंचदेव किंवा पंच परमेश्वर (शिव, विष्णु, शक्ती, सूर्य, आणि गणपती) हे असतात. त्यानंतर त्याला भस्म, भगवे वस्त्रे आणि रूद्रक्षांची माळ दिली जाते. या वस्तूच नागासाधूंचे अलंकार समजल्या जातात.


स्वतःचे पिंडदान आणि श्राद्ध
महापुरूषानंतर साधूला अवधूत बनवले जाते. त्याचे केस कापले जातात. अवधूत बनण्यासाठी त्याला आधी स्वत:चे पिंडदान करावे लागते. आखाड्यातील पुरोहीत हे पिंडदान करतात. या माध्यमातून संबंधित व्यक्ती हा समाज आणि कुटूंबियांसाठी मृत झाल्याचे सिद्ध होते. त्यानंतर वैदिक धर्माची रक्षा करणे हा त्याच्या जीवनाचा एकमेव उद्देश बनतो.


पुढील स्लाईड्सवर क्लिक करा आणि जाणून घ्या, नागा साधू बनण्यासाठी कोणते नियम अनिवार्य आहेत...

बातम्या आणखी आहेत...