अमृताने वयाची 22 वर्षे पूर्ण केली आहेत.
दिव्य मराठी वेब टीम
Oct 11,2019 04:30:00 PM ISTबॉलिवूड डेस्कः वरील छायाचित्रात दिसणा-या अभिनेत्रीला तुम्ही ओळखलंत का... बरोबर ही आहे सुमी... सध्या छोट्या पडद्यावर गाजत असलेल्या मिसेस मुख्यमंत्री या मालिकेतून सुमी दररोज प्रेक्षकांच्या भेटीला येत आहे. सूमी अर्थातच अभिनेत्री अमृता धोंगडे हिचा वाढदिवस आहे. अमृताने वयाची 22 वर्षे पूर्ण केली आहेत. 11 ऑक्टोबर 1997 रोजी अमृता जन्म झाला असून ती मुळची कोल्हापूरची आहे. पुण्यात तिने शिक्षण पूर्ण केले.
छोट्या पडद्यापूर्वी झळकली मोठ्या पडद्यावर...
'मिसेस मुख्यमंत्री' ही अमृताची पहिली मालिका. पण यापूर्वी तिचे दर्शन मोठ्या पडद्यावर घडले आहे. 'मिथून' या चित्रपटात ती झळकली होती. हा चित्रपट प्रदर्शित झाल्यानंतर वर्षभराने तिला मालिका मिळाली.
'लागिरं झालं जी'साठी दिली होती ऑडिशन...
अमृताने 'लागिरं झालं जी' या मालिकेसाठी ऑडिशन दिली होती. पण काही कारणास्तव तिला ही मालिका मिळाली नाही. काही महिन्यांनी तिला 'मिसेस मुख्यमंत्री'साठी विचारणा झाली. या भूमिकेसाठी तिने रितसर ऑडिशन दिली आणि तिची निवड सुमी या मुख्य भूमिकेसाठी दिली. मधल्या काळात अमृताने तिचे पदवीचे शिक्षण पूर्ण केले. अमृता कथ्थक नृत्यांगणादेखील आहे.
खासगी आयुष्यात आहे ग्लॅमरस...
अमृता सोशल मीडियावर अॅक्टिव असून तिचे अनेक ग्लॅमरस लूकमधील फोटो तिच्या इन्स्टाग्राम अकाउंटवर बघायला मिळतात. तिचे इन्स्टाग्रामवर 47.4k फॉलोअर्स आहेत.
