'बिग बॉस 13' च्या स्पर्धाकांच्या नावांचा झाला खुलासा, चंकी पांडेंसह सहभाग घेतील हे सेलेब्रिटी 

एंटरटेन्मेंट डेस्क : 'Bigg Boss' हा टेलिव्हिजनवरील सर्वात चर्चित शो आहे. आता हा शो पुन्हा एकदा छोट्या पडद्यावर धमाल करण्यासाठी सज्ज झाला आहे. यावेळी घरात केवळ सेलिब्रिटीजच असतील. आता 'बिग बॉस 13'शी निगडित आणखी एक मोठी बातमी समोर आली आहे. झाले असे की, यावर्षी शोमध्ये जाणाऱ्या सदस्यांची नावे आता समोर आली आहेत. मागिवळ कित्येक दिवसांपासून अभिनेता चंकी पांडेच्या बिग बॉसच्या घरात जाण्याबद्दल सस्पेंस बनलेला होता. आपल्या कॉमिक टायमिंगसाठी प्रसिद्ध असलेले अभिनेते चंकी पांडेयला बिग बॉसचे मेकर्स अनेक वर्षांपासून अप्रोच करत होते. आता सांगितले जाते आहे की, चंकी बिग बॉसच्या घरात प्रवेश करण्यासाठी तयार आहे. 

टीव्हीची प्रसिद्ध अभिनेत्री पूजा गौर, मेघना मलिक आणि जायरा वसीम यादेखील शोशी जोडल्या गेल्याच्या बातम्या आहेत. मात्र याबद्दल अद्याप कोणतेही अधिकृत वक्तव्य करण्यात आलेले नाही. पण टीव्ही अभिनेत्री रिद्धी डोगरा आणि पवित्रा पुनिया बिग बॉसमध्ये यावर्षी दिसणार आहेत. बिग बॉसच्या घरात 'बालिका वधू' फेम सिद्धार्थ शुक्लादेखील दिसू शकतो. सिद्धार्थने 'बालिका वधू', 'खतरों के खिलाड़ी' आणि 'दिल से दिल तक' यांसारख्या सीरियलमध्ये काम केले आहे.