राज्यात पारा घसरला, पावसाचाही इशारा; मराठवाड्याच्या काही भागांत किमान तापमानात कमालीची घट

नाशिकरोड - उत्तरेकडून वाहणाऱ्या थंड वाऱ्यांमुळे उत्तर महाराष्ट्रामध्ये पुन्हा थंडीचा कडाका वाढला आहे. या वाऱ्याच्या प्रभावामुळे मध्य महाराष्ट्र व मराठवाड्याच्या काही भागांत किमान तापमानात कमालीची घट दिसून आली. विदर्भात किमान तापमानात सरासरीपेक्षा अधिक राहिले. नाशिक जिल्ह्यात निफाड येथे पारा ६ अंशांवर घसरला होता. नाशिक, नगर, औरंगाबाद आणि पुणे जिल्ह्यात पारा १० अंशांच्या खाली होता. पुणे वेधशाळेनुसार, मराठवाड्यासह राज्यात ११ आणि १२ फेब्रुवारी रोजी हलक्या पाऊस पडण्याची शक्यता आहे.