इंडोनेशियात गुन्ह्याची कबुली देण्यासाठी गळ्यात घातला साप; घटनेचा व्हिडिओ व्हायरल

जकार्ता- इंडोनेशियातील पापुआमध्ये आरोपीने गुन्ह्याची कबुली द्यावी म्हणून पोलिसांनी त्याच्या गळ्यात विषारी साप टाकला. या घटनेचा व्हिडिओ व्हायरल झाल्यानंतर लोकांनी पोलिसांवर टीकेची झोड उठवली आहे. या प्रकरणी पोलिसांनी जाहीर माफी मागितली . पोलिसांनी फोन चोरी केल्याच्या आरोपावरून एका व्यक्तीस अटक केली होती. पोलिस त्याची चाैकशी करत होते. तो गुन्हा कबूल करत नव्हता. तेव्हा पोलिसांनी गळ्यात साप सोडला.दरम्यान संबंधित पोलिसांवर कठोर कारवाई करण्याचे आश्वासन अधिकाऱ्यांनी दिले.