पुण्यातील बुधवार पेठेत महिलेची निघृण हत्या, आरोपी महिलेचा पती असल्याचा संशय

पुणे - बुधवार पेठे परिसरात एका पतीने पत्नीची निर्घृण हत्या केल्याची घटना समोर आली आहे. हत्या केल्यानंतर आरोपी पसार झाला. या हत्येमागचे कारण अद्याप स्पष्ट झाले नाही. सदरील महिला बुधवार पेठ परिसरात वेश्या व्यवसाय करत होती. महिलेचा मृतदेह शवविच्छेदनासाठी रुग्णालयात पाठवण्यात आला आहे. हत्येच्या अवघ्या काही तासांतच पोलिसांनी आरोपी पतीला अटक केली.
 

वादातून हत्या केल्याचा संशय 
प्राथमिक माहितीनुसार शबनुर रईस अन्सारी असे या महिलेचे नाव आहे. ती बुधवार पेठ परिसरात वेश्या व्यवसाय करत होती. पती-पत्नीत नेहमी वाद होत होते. वादातून हत्या करण्यात आल्याचा संशय वर्तवण्यात येत आहे. हत्या केल्यानंतर आरोपी पसार झाला होता. काही तासांनंतर पोलिसांनी त्याला अटक केली. आरोपी पती मूळचा बांग्लादेश येथील रहिवासी असल्याचे समजते. दरम्यान पोलिसांनी महिलेचा मृतदेह शवविच्छेदनासाठी ससून रुग्णालयात पाठवला आहे. फरासखाना पोलिस पुढील तपास करत आहेत.