Home | Business | Gadget | Samsung Galaxy Note 9 Launched With 6.4 Inches Screen Read Complete Specs

अद्यावत S Pen, सर्वात मोठ्या स्क्रीनसह सॅमसंगने लाँच केला Galaxy Note 9, जाणून घ्या संपूर्ण फीचर्स

दिव्य मराठी वेब टीम | Update - Aug 11, 2018, 12:50 PM IST

सॅमसंगने आपल्या गॅलेक्सी नोट सिरीझचे 9 वे स्मार्टफोन गॅलेक्सी नोट-9 लाँच केले आहे.

  • Samsung Galaxy Note 9 Launched With 6.4 Inches Screen Read Complete Specs

    गॅजेट डेस्क - सॅमसंगने आपल्या गॅलेक्सी नोट सिरीझचे 9 वे स्मार्टफोन गॅलेक्सी नोट-9 लाँच केले आहे. गॅलेक्सी नोट सिरीझमध्ये आतापर्यंतचा हे सर्वात मोठ्या स्क्रीनचे फॅबलेट (Phone+Tablet) आहे. या फोनमध्ये सॅमसंगने 4000 mAh बॅटरी दिली आहे. उल्लेखनीय बाब म्हणजे, सॅमसंगने नुकतेच आपल्या गॅलेक्सी सिरीझचे S9 आणि S9+ स्मार्टफोन लाँच केले. परंतु, अपेक्षेप्रमाणे त्यांना ग्राहकांना प्रतिसाद मिळाला नाही. त्याचीच कमतरता Galaxy Note 9 ने भरून निघेल अशी कंपनीची अपेक्षा आहे. सॅमसंग स्मार्टफोनसाठी प्री बुकिंग सुरू करण्यात आली आहे. प्री बुक करणाऱ्यांना सॅमसंग एक स्मार्ट वॉच (सॅमसंग गिअर) अवघ्या 4,999 रुपयांत देणार आहे.


    आता S Pen मध्ये Bluetooth, स्मार्टफोन रिमोट
    सॅमसंगने आपल्या प्रत्येक गॅलेक्सी नोट स्मार्टफोनमध्ये एक स्टायलस दिले आहे. S Pen म्हणून ओळखल्या जाणाऱ्या या स्टायलसचा गॅलेक्सी एस-9 मध्ये सुद्धा समावेश करण्यात आला आहे. परंतु, हा स्टायलस आतापर्यंतचा सर्वात आधुनिक आहे. यामध्ये ब्लुटूथ कनेक्शन देण्यात आले आहे. जेणेकरून त्याचा वापर स्मार्टफोनचे रिमोट म्हणून करता येईल. कुठलेही व्हिडिओ, युट्यूब अॅप आणि इतर फंक्शन फोनला हात न लावता कंट्रोल करता येतील. या स्टायलसचा दुसरा सर्वात मोठा फायदा म्हणजे, यातून फोटो आणि सेल्फी क्लिक करता येईल.

    पुढील स्लाइड्सवर वाचा, किंमत आणि संपूर्ण फीचर्स...

  • Samsung Galaxy Note 9 Launched With 6.4 Inches Screen Read Complete Specs

    इतकी आहे किंमत...
    सॅमसंग गॅलेक्सी सिरीझ भारतात प्रीमियम स्मार्टफोनमध्ये सर्वाधिक विकल्या जाणाऱ्या स्मार्टफोनपैकी एक होते. परंतु, गेल्या काही वर्षांत भारतीय स्मार्टफोन मार्केटमध्ये स्वस्तात प्रीमियम फीचर्सचे स्मार्टफोन लाँच झाले. त्याचा सॅमसंगला मोठा फटका बसला. परंतु, नोट 9 लाँच करण्यापूर्वी सॅमसंगने परवडणाऱ्या किंमतीत प्रीमियम फोन देणार असे आश्वस्त केले होते. परंतु, सॅमसंगने आपले आश्वासन पूर्णपणे पाळलेले नाही. सॅमसंगने भारतात लाँच करताना या स्मार्टफोनची किंमत 67,700 पासून सुरू असे ठेवण्याचा निर्णय घेतला आहे. 

     

  • Samsung Galaxy Note 9 Launched With 6.4 Inches Screen Read Complete Specs

    असे आहेत फीचर्स

    या फोनमध्ये 6.4 इंच इतका सुपर AMOLED स्क्रीन आहे. त्याचे रेझोल्युशन 1440*2960 पिक्सल इतके असून स्क्रीन टू बॉडी रेश्यो 83.4 टक्के आहे. स्क्रीनसाठी कॉर्निंगचे गुरिल्ला ग्लास 5 वापरण्यात आले आहे. फोनमध्ये स्नॅपड्रॅगनचे 845 ऑक्टोकोअर प्रोसेसर, Android Oreo 8.1, 4000 mAh बॅटरी, स्मार्टफोनला 6 जीबी आणि 8 जीबी रॅम असे पर्याय असून 128 जीबी इनबिल्ट मेमरी आहे. सोबतच, या फोनमध्ये 1 टीबी पर्यंतचा एक्सटर्नल मेमरी कार्ड वापरला जाऊ शकतो. 2x ऑप्टिकल Zoom सह यात 12 मेगापिक्सलचे रिअर डुअल कॅम देण्यात आले आहे. सोबतच सेल्फीसाठी 8 मेगापिक्सलचा कॅमेरा उपलब्ध आहे.

Trending