आपल्या शहरातील ताज्या बातम्या आणि ई-पेपर मिळवा मोफत

Install App

दिवाळीत रात्री 8 ते 10 पर्यंत फक्त 2 तासच आतषबाजीची मुभा, लडींवर बंदी

2 वर्षांपूर्वी
  • कॉपी लिंक
Advertisement
Advertisement

नवी दिल्ली - दिवाळीच्या रात्री फक्त ८ ते १० वाजेपर्यंत दोनच तास फटाके फोडता येतील. सुप्रीम कोर्टाने मंगळवारी ही वेळमर्यादा घालून दिली. दिवाळीसह इतर सण-उत्सव वा लग्नातही फटाके फोडण्यासाठी सबंध देशात हाच नियम लागू असेल. ख्रिसमस व नववर्षी रात्री ११.५५ ते १२.३० वाजेपर्यंत फटाके फोडण्याची मुभा राहील. आता देशात फक्त कमी आवाजी, कमी प्रदूषण करणाऱ्या ग्रीन फटाक्यांच्या निर्मिती-विक्रीची परवानगी असेल, असा आदेश कोर्टाने दिला. ई-काॅमर्स वेबसाइट्सवर फटाक्यांची ऑनलाइन विक्री करता येणार नाही. सुप्रीम कोर्टाने ३ मुलांच्या याचिकेवर हा आदेश दिला. मुलांच्या वतीने त्यांच्या आई-वडिलांनी २०१५ मध्ये याचिका दाखल केली होती. तेव्हा त्यांचे वय ६ ते १४ महिन्यांदरम्यान होते. त्यावर गेल्या ३ वर्षांत अनेक आदेश जारी झाले. गतवर्षी दिल्ली-एनसीआरमध्ये फटाक्यांची विक्री बंद केली होती. नंतर हा नियम शिथिल केला होता. 

 

कोणते फटाके 'ग्रीन' समजले जातील? 
- कमी धूर-आवाजी फटाक्यांच्या निर्मिती-विक्रीस मुभा, पेट्रोलियम-स्फोटक सुरक्षा संस्था फटाके प्रमाणित करेल. 
- फटाक्यांत लिथियम, आर्सेनिक, अँटिमोनी, शिसेे, पाऱ्यासारखी हानिकारक रसायने नसली पाहिजेत. 
- पीईएसओ फटाके निर्मात्यांकडील कच्च्या मालाची तपासणी करणार आहे. त्यानंतरच विक्री केली जाईल. 

 

...तर ठाणे अंमलदारावर होईल कारवाई 
- रात्री १० नंतर आतषबाजी झाल्यास संबंधित हद्दीतील ठाणेदार जबाबदार मानून अवमाननेची कारवाई होईल. 
- आतषबाजी ही निर्धारित वेळमर्यादा व नियोजित स्थळी होईल, याची खातरजमा पोलिसांनाच करावी लागेल. 
- केंद्र सरकार हे राज्य सरकारांच्या माध्यमातून शाळा, महाविद्यालये आणि सार्वजनिक स्थळी ग्रीन फटाक्यांबद्दल जागरूकता मोहीम राबवणार आहे. 
- पंजाब-हरियाणा हायकोर्टाने गतवर्षी असाच आदेश दिला. १० नंतर फटाके फोडल्याने ४३ खटले, २५ जणांना अटक झाली. 

 

उल्लंघन केल्यास परवाना रद्द, माल नष्ट 
- ई-कॉमर्स वेबसाइट्स फटाके विकू शकणार नाहीत. उल्लंघन केल्यास कोर्ट अवमाननेची कारवाई होईल. 
- प्रमाणित फटाकेच बाजारात विक्रीस आणावे लागतील. अन्यथा विक्रीचा परवाना रद्द व माल नष्ट केला जाईल. 
- पूर्व उत्पादित फटाके जे ग्रीन श्रेणीतील नाहीत, त्यांची विक्री बंद. लग्न-सणांही ग्रीन फटाक्यांचीच सक्ती. 

 

दिल्ली-एनसीआरमध्ये जास्त सक्ती 
- दिल्ली व एनसीआर राज्यांची सरकारे आपल्या भागात फक्त सामुदायिक आतषबाजीलाच परवानगी देतील. 
- आठवडाभरापूर्वी जागा ठरेल. म्हणजे लोकांना दिवाळी आधी फटाके कुठे फोडायचे याची माहिती मिळेल. 
- लग्न, धार्मिक आणि सांस्कृतिक कार्यक्रमांसाठीही पूर्वनिर्धारित जागांवरच ग्रीन फटाके फोडण्याची परवानगी असेल. इतर कुठेही फटाके फोडता येणार नाहीत. 

 

याबाबत संतुलित दृष्टिकाेन हवा : सर्वाेच्च न्यायालय 
फटाके निर्मिती आणि विक्री बंदीमुळे होणाऱ्या महसुलाच्या नुकसानीवर आम्ही अंतिम निर्णय घेतलेला नाही. प्रदूषणाविरुद्ध संतुलित दृष्टिकोन गरजेचा आहे. जेणेकरून दोन्ही बाजूंच्या मुद्द्यांना ध्यानात ठेवून तार्किकदृष्ट्या तोडगा काढता येईल. - न्यायमूर्ती ए.के. सिकरी आणि अशोक भूषण 

 

फटाका निर्माते कोर्टात फेरविचार याचिका दाखल करणार; संघटना म्हणाली, ग्रीन फटाके नावाची कुठलीही वस्तू नसते | तामिळनाडूतील शिवकाशी येथील फटाके निर्माते सुप्रीम कोर्टात फेरविचार याचिका दाखल करणार आहेत. संघटनेचे सरचिटणीस के. मरियप्पन म्हणाले, हे निर्देश कोणत्याही कामाचे नाहीत. ग्रीन फटाके नावाची कोणतीही वस्तू नसते. 

Advertisement
0