श्रावण / श्रावण मासात येणार 4 सोमवार, या दिवशी महादेवाची विशेष पूजा करण्याची प्रथा

सौभाग्यवती आपल्या पतीच्या दीर्घायुष्य आणि सौभाग्यासाठी करतात श्रावण सोमवारचे व्रत

रिलिजन डेस्क

Aug 01,2019 12:05:00 AM IST

शुक्रवार 2 ऑगस्टपासून महादेवाचा प्रिय महिना श्रावण सुरु होत आहे. या महिन्यात येणाऱ्या सोमवारचे विशेष महत्त्व सांगण्यात आले आहे. या महिन्यात 5, 12, 19 आणि 26 ऑगस्टला श्रावण सोमवार आहेत. उज्जैनचे ज्योतिषाचार्य पं. मनीष शर्मा यांच्यानुसार श्रावण मासातील सोमवार महादेवाच्या पूजेसाठी सर्वात श्रेष्ठ मानला जातो. सामान्यतः संपूर्ण श्रावण महिना महादेवाच्या उपासनेसाठी विशेष आहे परंतु सोमवारचे महत्त्व अधिक आहे. ज्या लोकांकडे संपूर्ण महिनाभर महादेवाच्या उपासनेसाठी वेळ नसेल त्यांनी केवळ सोमवारी महादेवाची उपासना केल्यास शिवकृपा प्राप्त होऊ शकते.


महिला पतीच्या सुखी भविष्यासाठी करतात व्रत
श्रावण मासातील सोमवारचे व्रत सौभाग्यवती महिला आपल्या पतीच्या दीर्घायुष्य आणि सौभाग्यासाठी करतात. कुमारिका योग्य वर मिळावा यासाठी व्रत करतात. या महिन्यात महादेवाला प्रसन्न करण्यासाठी लघुरुद्र, महारुद्र, अतिरुद्र पाठ करावेत. प्रत्येक सोमवारचे व्रत करावे. या व्रतामध्ये पवित्र नदी किंवा तलवार स्नान करून मातीचे शिवलिंग तयार करून त्याचे पूजन करावे. त्यानंतर हे शिवलिंग नदीमध्ये प्रवाहित करावे.


शिवपुराणचा पाठ करावा
श्रावण महिन्यात शिव महापुराणचा पाठ करणे शुभ मानले जाते. हे व्रत सर्व इच्छापूर्ती करणारे मानले जाते. सोमवारी वस्त्र दान करावे. या दिवशी अन्नदान करण्याचीही प्रथा आहे.


सूर्यास्तानंतर शिवलिंगाजवळ लावावा दिवा
श्रावण महिन्यात सूर्यास्तानंतर शिवलिंगाजवळ दिवा लावावा. ऊँ नम: शिवाय मंत्राचा जप करावा. शिवलिंगावर बेलाचे पान अर्पण करावे.

X
COMMENT