Home | Khabrein Jara Hat Ke | Story about How life of Homeless man Changed for Forever

कडाक्याच्या थंडीत लपण्यासाठी जागा शोधत होता बेघर व्यक्ती, त्याचवेळी हाती आले असे काही की जीवनच बदलून गेले 

दिव्य मराठी वेब टीम | Update - Feb 06, 2019, 02:59 PM IST

ज्याला रस्त्यावर पडलेला कागदाचा तुकडा समजत होता व्यक्ती ती निघाली नशिबाची किल्ली. 

  • Story about How life of Homeless man Changed for Forever

    कनेक्टिकट - अमेरिकेच्या कनेक्टिकटमध्ये एका कागदाच्या तुकड्यामुळे बेघर व्यक्तीचे अवघे जीवनच बदलून गेले. हा व्यक्ती हाडे गोठवणाऱ्या थंडीत सहारा शोधत होता. फिरता-फिरता त्याला रस्त्यावर एक कागद सापडला. त्याला वाटले हे कशाचे तरी बिल असेल. पण तो उघडताच त्या व्यक्तीचे डोळे अधिकच विस्फारले.


    अॅल्मर अल्वारिज नावाच्या या व्यक्तीला एक सही केलेला चेक सापडला होता त्यात 10 हजार डॉलर म्हणजे जवळपास 7 लाख रुपयांचे अमाउंट लिहिलेले होते. विशेष बाब म्हणजे, तो चेक कोणाच्याही नावावर नव्हता. त्यामुळे त्याला वाटले असते तर लगेचच त्याने त्यावर स्वतःचे नाव लिहिले असते. पण त्याला हे योग्य वाटले नाही.


    एल्मरने चेकच्या मागे एक मोबाईल नंबर पाहिला आणि त्या चेकच्या मालकाला तो परत करण्याचा निर्णय घेतला. एल्मरने जवळच असलेल्या एका व्यक्तीला फोन करण्यास सांगितले. त्याला स्पॅनिश भाषा येत असल्याने त्याने त्याच व्यक्तीला फोनवर हे सर्व सांगण्यास सांगितले.


    फोनची बेल बाजली आणि समोरून एका महिलेचा आवाज आला. महिलेला तिचा चेक सापडल्याचे सांगताच ती बॅगमध्ये शोधू लागली. तिला बॅगमध्ये चेक मिळाला नाही तर ती सांगितलेल्या जागेवर अॅल्मरला भेटायला पोहोचली.


    तिला आश्चर्य वाटले होते की, एवढ्या मोठ्या रकमेचा चेक एखादा व्यक्ती परत करत आहे. कारण त्याला त्या चेकचा गैरवापर करता आला असता. ही महिला प्रसिद्ध रियल इस्टेट बिझनेसवुमन रॉबर्टा हॉस्की होती. रॉबर्टा तिने स्वतः सुरू केलेल्या कंपनीची सीईओ होती.

  • Story about How life of Homeless man Changed for Forever

    रॉबर्टा चेक परत मिळाल्याने खूप आनंदी होती. त्याचवेळी सोबत उभ्या असलेल्या व्यक्तीने त्याच्यासोबतच्या बेघर व्यक्तीबाबत रॉबर्टाला सांगितले. त्यालाच चेक मिळाला असल्याचे त्या व्यक्तीने रॉबर्टाला सांगितले. हा व्यक्ती एवढा गरीब आहे आणि त्याच्याकडे राहायला घरही नाही हे समजल्यानंतर रॉबर्टा भावूक झाली. तिला अॅल्मरची दया येत होती तसेच त्याचा अभिमानही वाटत होता. 

  • Story about How life of Homeless man Changed for Forever

    असे चमकले नशीब.. 
    अॅल्मरला पाहून रॉबर्टाला त्याचे बालपण आठवले. त्याने सांगितले की, एक यशस्वी बिझनेसवुमन बनण्यापूर्वी तिनेही गरीबी पाहिली आहे. रॉबर्टा म्हणाली, एक काळ असाही होता जेव्हा मी बेघर आणि एकटी होते. मला पोटात बाळ घेऊन इकडे तिकडे फिरावे लागले होते. बाळचा सांभाळ करण्यासाठी लोकांच्या घरी राहावे लागले. पण आता मी असा त्रास आणखी कोणाला होऊ देणार नाही. त्यानंतर रॉबर्टाने ऑफिसमधून आणखी एक चेक बूक मागवले. 

  • Story about How life of Homeless man Changed for Forever

    रॉबर्टाने अॅल्मरच्या नावाने एक चेक कापला. तो पाहून अॅल्मरला प्रचंड आनंद झाला. हा चेक पाहून त्याच्या आनंदाला पारावर उरला नाही. तो भावूक झाला आणि रडू लागला. एवढेच नाही तर रॉबर्टाने अॅल्मरला राहण्यासाठी एक फ्लॅटही दिला. त्याने आपल्या कंपनीत काम करावे म्हणून त्याला ट्रेनिंग देण्यासाठी काही लोकही सोबत ठेवले.  

     

     

  • Story about How life of Homeless man Changed for Forever

    काही काळातच सर्वकाही शिकून अॅल्मर रॉबर्टाच्या कंपनीत काम करू लागला. अनेक चॅनल्सवरही या दोघांची ही स्टोरी दाखवण्यात आली आहे. 

Trending