आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

काही लोक वसुलीसाठी तगादा लावत असल्याने विष प्राशन करून निळवंडे धरणग्रस्ताची आत्महत्या

3 वर्षांपूर्वी
  • कॉपी लिंक

अकोले- निळवंडे धरणग्रस्त कार्यकर्ते व प्रगतिशील शेतकरी राजेंद्र नामदेव आभाळे (४०) यांनी सोमवारी रात्री विषारी औषध सेवन करून आत्महत्या केली. ही घटना मंगळवारी सकाळी उघडकीस आली. आभाळे यांनी घरात लिहून ठेवलेली चिठ्ठी पोलिसांना मिळाली. काही लोक वसुलीसाठी तगादा लावत आहेत, म्हणून आपण बैचेन आहे अशा आशयाचा मजकूर त्यात अाहे. संबंधित लोकांची नावेही चिठ्ठीत नमूद केल्याची चर्चा आहे.

 

आभाळे यांनी काही नातेवाईक, हितचिंतक व मित्रांकडून उसने पैसे घेतले होते. ते वेळेत परत न केल्याने संबंधितांनी तगादा लावल्याने आभाळे विमनस्क अवस्थेत होते. त्यातूनच त्यांनी टोकाचा निर्णय घेतल्याची चर्चा आहे. सोमवारी सायंकाळी चारच्या सुमारास आभाळे आपल्या घरातून कोणाला काहीही न सांगता निघून गेले. रात्री उशिरापर्यंत ते घरी न आल्याने त्यांचा शोधाशोध सुरू झाला. मंगळवारी सकाळी सातच्या सुमारास प्रवरानदीच्या काठावरील बीजगुणन क्षेत्रावरील (शेतकी फार्म) पंढरी शंकर आभाळे यांच्या मालकीच्या शेतात राजेंद्रचा यांचा मृतदेह तोंडातून फेस आलेल्या अवस्थेत आढळला.  

बातम्या आणखी आहेत...