आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

गणेश चतुर्थीच्या मुहूर्तावर रिलीज झाला सुपरस्टार रजनीकांत- अक्षय कुमारच्या ‘2.0’चा टीझर

3 वर्षांपूर्वी
  • कॉपी लिंक

रजनीकांत, अक्षय कुमार, अॅमी जॅकसन यांच्या प्रमुख भूमिका असलेला ‘2.0’ या चित्रपटाचा पहिला आणि बहुप्रतिक्षीत टीझर गणेश चतुर्थीच्या शुभ मुहूर्तावर प्रदर्शित झाला आहे. हा सिनेमा तगडी स्टारकास्ट आणि त्याच्या बजेटमुळे मागील बऱ्याच काळापासूनच चर्चेत आहे.. VFX चं बरंचसं काम बाकी असल्यानं या चित्रपटाचं प्रदर्शन लांबणीवर पडलं आहे. मात्र अखेर आज या सिनेमाचा टीझर प्रदर्शित कऱण्यात आला.

 

अभिनेता अक्षय कुमारने या सिनेमाच्या टीझरची लिंक आपल्या ट्विटर आणि फेसबुक पेजवरून सकाळी नऊच्या सुमारास शेअर केली. या ट्विटमध्ये अक्षयने गणेश चतुर्थीच्या शुभ मुहूर्तावर भारतामधील सर्वात मोठ्या सिनेमाचा श्रीगणेशा आम्ही करत आहोत, असं म्हटलं आहे. पुढे लिहिताना तो म्हणतो, सर्वात मोठ्या शत्रुत्वाची कहाणी, चांगले काय वाईट काय कोण ठरवणार? अशा शब्दांमध्ये अक्षयने टीझरमध्ये काय पहायला मिळेच याची हिंट दिली आहे.

 

या टीझरमधून सिनेमाच्या कथेचा एकंदरीत अंदाज बांधणे सहज शक्य आहे. स्मार्टफोनपासून तयार झालेला दानव विरुद्ध रजनीकांतच्या रेबोट सिनेमामधील चिट्टी रोबोटचा संघर्ष पहायला मिळणार आहे. दीड मिनिटांच्या या टीझरला युट्यूबवर अवघ्या अर्ध्या तासात दोन लाखांहून अधिक हिट्स मिळाले आहेत.

 

बातम्या आणखी आहेत...