एअरटेलने पहिल्यांदा लॉन्च केली वाय-फाय कॉलिंग सर्व्हिस; उत्तम इनडोर सिग्नल क्वॉलिटी मिळेल : कंपनीचा दावा

गॅजेट डेस्क - देशातील सर्वात मोठ्या टेलिकॉम कंपन्यातील एक असलेल्या भारती एअरटेलने मंगळवारी आपली वाय-फाय कॉलिंग सर्व्हिस लॉन्च केली. या सर्व्हिसद्वारे एअरटेलच्या ग्राहकांना ऑफिस तसेच घरात उत्तम सिग्नल क्वॉलिटी देणार असल्याचा कंपनीने दावा केला आहे. सध्या तरी ही सुविधा दिल्ली-एनसीआरमध्ये उपलब्ध आहे. मात्र लवकरच देशातील इतर भागात ही सुविधा सुरु करण्यात येणार आहे. 

एअरटेल वाय-फाय कॉलिंगसाठी कोणत्याही अॅपची आवश्यकता नाही. मात्र चार स्टेप्समध्ये आपल्या फोनमध्ये कॉन्फिगर करता येते. 

सध्या निवडक स्मार्टफोनमध्ये उपलब्ध असेल ही सेवा

कंपनी इतर स्मार्टफोनमध्ये एअरटेल वाय-फाय कॉलिंग सर्व्हिस देण्यावर काम करत आहे. ही सर्व्हिस एअरटेल एक्सट्रीम फायबर होम ब्रॉडबँडशी कॉम्पॅटिबल आहे, लवकरच सर्व ब्रॉडबँड सर्व्हिससह वाय-फाय हॉटस्पॉटसोबत सुद्धा वापरता येणार आहे.