डॉक्टर रुग्णाच्या पोटात कात्री विसरला; 3 महिन्यांनी उलगडा 

हैदराबाद- हैदराबादमधील डॉक्टर शस्त्रक्रियेवेळी महिला रुग्णाच्या पोटात कात्री विसरला. ३ महिन्यानंतर याचा उलगडा झाला. निझाम इन्स्टिट्यूट ऑफ मेडिकल सायन्समध्ये शस्त्रक्रिया झाल्याचे ३३ वर्षीय महिलेने सांगितले; पण सुटी झाल्यानंतर पोटात तीव्र वेदना व्हायच्या.

शुक्रवारी तपासणी केली तेव्हा एक्स-रे रिपोर्टमध्ये पोटात कात्री असल्याचे निदान झाले. रुग्ण आमच्यासाठी महत्त्वाचा असून महिलेच्या पोटातून तत्काळ कात्री काढण्यात येईल, असे रुग्णालयाचे संचालक के. मनोहर यांनी म्हटले आहे. यासंदर्भात चौकशी समिती नेमण्यात आली आहे.