• Home
  • There are over one million meetings in the United States every day, with 6 hours of staff providing in weekly meetings

रंजक / अमेरिकेत रोज होतात एक कोटीपेक्षा जास्त मीटिंग, दर आठवड्याच्या मीटिंगमध्ये कर्मचारी देतात आपले 6 तास

या मीटिंगचे बजेट कंपन्यांच्या 7 ते 15 टक्के इतकाच खर्च असतो

दिव्य मराठी वेब टीम

Dec 12,2019 10:35:00 AM IST

अमेरिकेत रोज १.१० कोटी ते ५.५० कोटी बैठका होतात. या मीटिंगचे बजेट कंपन्यांच्या ७ ते १५ टक्के इतकाच खर्च असतो. दर आठवड्याच्या मीटिंगमध्ये कर्मचारी आपले ६ तास देतात, आणि व्यवस्थापक २३ तास खर्च करतात. मीटिंगनंतर तुम्हाला थकवा येणार ही साहजिक गोष्ट आहे. नुकताच वैज्ञानिकांनी या विषयावर संशोधन करून याला योग्य ठरवले आहे. मानसोपचारतज्ञांना याला मीटिंग रिकव्हरी सिंड्रोम असे नाव दिले आहे.


उटाह विद्यापीठाच्या प्राध्यापक जोसेफ ए. एलेन यांच्या म्हणण्यानुसार, कर्मचारी जेव्हा व्यर्थ बैठकीत भाग घेतात तेव्हा त्यांची बुद्धी आणि वेळ वाया जाते. मीटिंग जास्त वेळपर्यंत चालली तर सहनशक्ती संपते. अशा वातावरणात कर्मचारी मनाने मीटिंगमध्ये सहभागी होऊ शकत नाहीत. अशा मीटिंग या व्याख्यान ऐकल्यासारख्या होतात. सतत असं होत असल्यामुळे कर्मचारी आपल्या कामाचं चांगलं प्रदर्शन करू शकत नाही. कोणत्याही मीटिंगमध्ये आपली मानसिक ऊर्जा आणि कार्यक्षमतेने कर्मचाऱ्यांनी सहभाग घेतला पाहिजे. नॉर्थ कॅरोलिना विद्यापीठातील प्राध्यापक क्लिफ स्कॉट यांच्या म्हणण्यानुसार जेव्हा कर्मचाऱ्यांच्या ग्रुपला जेव्हा कोणत्याही मीटिंगला बोलवलं जातं तेव्हा त्यांना त्या नकोशा वाटत असतात. अशा बैठकीत त्यांना त्यांच्या भावना जाहीर करणे, तक्रारी करणे अशा कामांमध्ये त्यांचा वेळ वाया जातो. अनेक वेळा कर्मचारी चर्चा करताना 'द सरप्राइझिंग सायन्स ऑफ मीटिंग्ज' याचे लेखक स्टीव्हन रोगेलबर्ग यांच्या मते, मीटिंगचा अर्थ हा काहीतरी मिळवणे हाच असला पाहिजे. एका वेळेला फक्त एकच मीटिंग झाली पाहिजे. काही निर्णय घेण्यासाठी आणि रणनीती ठरवण्यासाठी बैठका घेणे गरजेचे असते. पण यामध्ये खूप वेळ खर्ची घालणे तणावपूर्ण ठरू शकते. शिवाय यामुळे तुमचा मेंदू हा नावीन्यपूर्ण विचार करण्याची क्षमता गमावतो. एसी मीटिंग्ज या कोटी रुपये वाया घालवण्याचा एक मार्ग आहे. अशामुळे कर्मचाऱ्यांना आपल्या कामात लक्ष केंद्रित करण्यासाठी फार वेळ घालवावा लागतो.

पेनसिल्वेनियाच्या पिट्सबर्गमध्ये पीजीएचआर कन्सल्टिंगच्या संस्थापक आणि मुख्य हार्टमॅन यांच्या म्हणण्यानुसार, त्यांच्या मागच्या नोकरीमध्ये व्यवस्थापक प्रमुख इतक्या मीटिंग घ्यायचे की लोकांना तिथंच झोप यायची. मीटिंगनंतर आपलं काम पूर्ण करण्यासाठी अनेक वेळा कर्मचाऱ्यांना ओव्हरटाइम करावा लागत होता. (bbc.com)

X
COMMENT