आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

Loksabha2019; मोदींच्या वादळात 'या' मोठ्या नेत्यांचे आव्हान संपुष्टात, भाजपने 300 चा आकडा केला पार

2 वर्षांपूर्वी
  • कॉपी लिंक

नवी दिल्ली- लोकसभा निवडणूक 2019 चे सर्व निकाल हळु-हळू समोर येत आहेत. अजूनही मतमोजणी प्रक्रिया सुरू आहे. देशात 7 टप्प्यात लोकसभेच्या 542 जागांसाठी मतदान झाले. आतापर्यंत हाती आलेल्या निकालांच्या कलनुसार मोदी लाटेत अनेक दिग्गज नेत्यांचे आव्हान संपुष्टात आल्याचे समोर आले आहे. यंदाही मोदी सरकार सत्तेत येणार असल्याचे आता स्पष्ट झाले आहे.


भाजपने आतापर्यंत 300 जागांचा आकडा पार केलेला आहे. मोदींच्या त्सुनामीत काँग्रेससह देशातील इतर पक्षांच्या मोठ्या नेत्यांचा सुपडासाफ झालेला आहे. तसेच अनेक राज्यांमध्ये भाजपला पूर्ण बहुमत मिळताना दिसत आहे. हे अंतिम आकडे नसले तरीही विरोधकांचा विजय आता अशक्य वाटतो आहे. बघुयात काही बड्या नेत्यांची स्थिती-


मल्लिकार्जुन खर्गे (काँग्रेस)
कर्नाटकच्या गुलबर्गा मतदार संघातून काँग्रेस नेते मल्लिकार्जुन खर्गे रिंगणात होते. आतापर्यंत आलेल्या निकालांनुसार मल्लिकार्जुन खर्गे पिछाडीवर आहेत. भाजपच्या उमेश जी जाधव हे मल्लिकार्जुन खर्गेपेक्षा 42 हजार मतांच्या आघाडीवर आहेत.


शत्रुघ्न सिन्हा (काँग्रेस)
भाजपमधून काँग्रेसमध्ये गेलेले शत्रुघ्न सिन्हा यांनी बिहारच्या पटना साहिब या मतदार संघातून निवडणूक लढवली. त्यांच्या विरोधात भाजपचे रवी शंकर प्रसाद निवडणुकीच्या रिंगणात होते. सध्याच्या आकडेवारीनुसार, शत्रुघ्न सिन्हा हे 74 हजार मतांनी पिछाडीवर आहेत.

 

कन्हैया कुमार (सीपीआई)
बिहारच्या बेगूसराय मतदारसंघातून सीपीआय उमेदवार कन्हैया कुमारचाही सुपडासाफ झाला आहे. भाजप उमेदवार गिरीराज सिंह कन्हैया कुमारच्या विरोधात रिंगणात होते. सध्या कन्हैया कुमार हा 77 हजार मतांनी पिछाडीवर आहे.


ज्योतिरादित्य शिंदे (काँग्रेस)
काँग्रेस नेते ज्योतिरादित्य शिंदे मध्य प्रदेशच्या गुना या मतदार संघातून निवडणुकीच्या रिंगणात आहेत. त्यांच्या विरोधात भाजपने के.पी. यादव यांना तिकीट दिले होते. ज्योतिरादित्य शिंदे हे देखील सध्या 53 हजार मतांनी पिछाडीवर आहेत.


दिग्विजय सिंह (काँग्रेस)
भोपाळ मतदार संघातून निवडणुकीच्या रिंगणात असलेले काँग्रेसचे ज्येष्ठ नेते दिग्विजय सिंहांना देखील मोदी लाटेचा फटका बसलेला आहे. दिग्विजय सिंह विरुद्ध साध्वी प्रज्ञा ठाकूर अशी लढत भोपाळ मतदार संघात बघायला मिळाली. दिग्विजय सिंह तब्बल 1 लाख 10 हजार 520 मतांनी पिछाडीवर आहेत.