आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

साडे 3 वर्षांच्या मुलीवर रेप, रडल्यामुळे तोंड दाबले, बेशुद्ध झाल्यानंतर पुन्हा रेप करत पुरावे मिटवण्यासाठी निर्घृण हत्या

3 वर्षांपूर्वी
  • कॉपी लिंक

सूरत - 14 ऑक्टोबरला साडे तीन वर्षांच्या मुलीवर बलात्कार करून तिची हत्या करण्याच्या आरोपात बिहारच्या बक्सरमधून अटक केलेल्या अनिल यादवला पोलिसांनी सोमवारी सूरतला आणले. 22 वर्षीय आरोपी अनिलला पोर्न पाहण्याचे व्यसन होते. पोलिस चौकशीत त्याने मुलीबरोबर केलेल्या निर्घृण कृत्याची कबुली दिली होती. घटनेच्या वेळी तो दारुच्या नशेत होता. 


आरोपी म्हणाला-पोर्न पाहत होतो, तेव्हाच मुलगी आली आणि हे घडले 
पोलिसांनी सांगितले की, घटनेच्या आधी आरोपी मोबाईलमध्ये पोर्न व्हिडिओ पाहत होता. त्यानंतर त्याने मुलीला नेत रेप केला. ती रडू लागली तर तिचे तोंड दाबले. त्यामुळे ती बेशुद्ध झाली तर तिच्यावर पुन्हा बलात्कार केला. नंतर तिच्या डोक्यावर एक जोरदार प्रहार केला. त्यानंतर तिचा गळा दाबून तिची हत्या केली. पोलिसांना त्याच्या मोबाईलमधून पोर्न क्लिप मिळालेली नाही. आरोपी म्हणाला की, मुलीच्या वडिलांकडून त्याला 1000 रुपये घ्यायचे होते. तो अनेक दिवसांपासून पैसे मागत होता. पोलिसांनी आरोपीला कोर्टात हजर केले, त्याला 8 दिवसांची पोलिस कोठडी सुनावली आहे. 


फोन करायचा पण घरी गेला नव्हता, आत्याच्या घरी लपला होता अनिल 
पोलिस आयुक्त सतीश शर्मा यांनी सांगितले की, आरोपीच्या शोधात पोलिस बिहारला गेले होते. आरोपी बक्सर येथील त्याच्या गावी असेल असे वाटल्याने पोलिस तेथे गेले होते. पण आरोपी त्याचा मित्र आणि मेहुणा असलेल्या विनोदच्या घरी लपलेला आहे असे समजले. त्याची चौकशी केल्यावर अनिल त्याच्या आत्याच्या घरी लपला असल्याचे समजले. ते घरही याच गावात होते. स्थानिक पोलिसांबरोबर सूरत पोलिस शुक्रवारी सायंकाळी गावातून 100 मीटर अंतरावर जीप उभी करीन पायी गेले. आणि त्याला पकडले. 


नातेवाईकांचे फोन टॅप केले 
पोलिसांनी चौकशीसाठी अनिलच्या मेहुण्याला ताब्यात घेतले. आरोपी अनिलने घरी फोन करून तो येत आहे असे सांगितले तेव्हा पोलिसांना विनोदवर संशय आला. पोलिस कुटुंबींयांचे फोन टॅप करून ऐकत होते. त्यानंतर पोलिसांनी गावात लोक पसरवले. सर्व नातेवाईकांचे नंबर मिळवले आणि सर्वांवर नजर ठेवली. नातेवाईकांचे कॉल डिटेल्स तपासले तेव्हा अनिल सहा लोकांच्या संपर्कात असल्याचे समजले. सहावा व्यक्ती होता त्याचा मेहुणा विनोद. त्याची चौकशी केली असता आरोपी सापडला. 

 

सूरतहून पालेज नंतर दिल्ली आणि नंतर बक्सरला गेला 
आरोपी अनिलने पोलिसांना चकवण्यासाठी ताप्ती गंगा ट्रेनने थेट बिहारला जाणे टाळले. त्याने सूरतहून बिहारच्या बक्सरमधील गावी जाण्यासाठी आधी अंकलेश्वर जाण्याची योजना आखली होती. तो सूरतहून मारुती व्हॅनने 104 किलोमीटर अंतरावरील अंकलेश्वरच्या पालेज स्टेशनला गेला. त्याठिकाणी त्याने रेल्वे पकडली आणि दिल्लीला गेला. त्यानंतर त्याने दिल्लीहून बक्सरसाठी दुसरी रेल्वे पकडली. बक्सरला गेल्यानंतही तो थेट घरी गेला नाही. 


आईला वाटलेच होते काहीतरी गुन्हा करून आलाय 
आरोपीच्या आईला याबाबत जाणीव होती की, मुलगा अनिल काहीतरी गुन्हा करून आला आहे. पण त्याने नेमके काय केले हे आईला माहिती नव्हते. अनिलसह पाच नातेवाईकांची पोलिसांनी चौकशी केली होती. 

 

बातम्या आणखी आहेत...