मोटारसायकलची समोरासमोर भीषण धडक..तिघांचा जागेवर मृत्यू तर दोन गंभीर जखमी

भोकरदन-  हसणाबाद गावाजवळ दोन मोटरसायकलच्या समोरासमोर झालेल्या धडकेत तीन जागेवर ठार तर दोन जखमी झाले आहेत. ही घटना 31 डिसेंबरच्या रात्री घडली.

मिळालेली माहिती अशी की, हसनाबाद ते तळेगाव रस्त्यादरम्यान असलेल्या खादगाव फाट्याजवळ दोन मोटरसायकलचा समोरासमोर अपघात झाला. योगेश जाधव, रवींद्र बन्सी मते, योगेश काकासाहेब मानकापे हे तिघे हसणाबाद गावाकडून औरंगाबादकडे दुचाकीवरून जात होते. तळेगावकडून जुबेर शेरुखा पठाण, शेरुखा मोहम्मद पठाण हे दोघे दुसर्‍या दुचाकीवरून येत होते. खादगाव फाट्याजवळ दोन गाड्यांची समोरासमोर धडक झाली. जुबेर शेरुखा पठाण (वय- 28, रा.हसनाबाद) शेरुखा पठाण व योगेश जाधव (रा. जातेगाव) या तिघांचा जागेवरच मृत्यू झाला. योगेश मानकापे आणि रवींद्र बन्सी मते हे दोघे गंभीर जखमी झाले आहेत. दोघांना औरंगाबाद येथील घाटी रुग्णालयात उपचारासाठी दाखल करण्यात आले आहे.

 

पुढील स्लाइड्‍सवर क्लिक करून पाहा...अपघाताची भीषणता दर्शवणारे फोटो..