Home | Jeevan Mantra | Dharm | unknown facts about kumbhkarna in marathi

कुंभकर्णने रावणाला श्रीरामांची क्षमा मागावी असे समजावले होते, वाचा अशाच इतरही खास गोष्टी

रिलिजन डेस्क | Update - Jan 11, 2019, 02:49 PM IST

रावणासोबतच विभीषण आणि कुंभकर्ण यांनीही ब्रह्मदेवाला प्रसन्न करण्यासाठी केली होती तपश्चर्या, रावण आणि विभीषणाला दिले होते

  • unknown facts about kumbhkarna in marathi

    रामायणानुसार रावणाचे दोन भाऊ होते विभीषण आणि कुंभकर्ण. ब्रह्मदेवाला प्रसन्न करण्यासाठी या तीन भावांनी कठोर तपश्चर्या केली होती. त्यानंतर ब्रह्मदेव प्रकट झाले परंतु कुंभकर्णाला वरदान देण्यापूर्वी ते चिंतित होते.


    याबाबत श्रीरामचरित मानसमध्ये लिहिले आहे की-
    पुनि प्रभु कुंभकरन पहिं गयऊ। तेहि बिलोकि मन बिसमय भयऊ।।

    याचा अर्थ असा होतो, की रावणाला वरदान दिल्यानंतर ब्रह्मदेव कुंभकर्णाजवळ गेले. पण त्याला वरदान देण्यावरुन चिंतीत होते. त्याचा देह बघून आश्चर्यचकित झाले होते.


    जौं एहिं खल नित करब अहारू। होइहि सब उजारि संसारू।।
    सारद प्रेरि तासु मति फेरी। मागेसि नीद मास षट केरी।।

    कुंभकर्णाला भोजनासाठी अनेक पदार्थ लागायचे. दररोज जर तो खूप खात राहिला तर सृष्टी नष्ट होऊ शकते, असे ब्रह्मदेवानं वाटले. ब्रह्मदेवांनी देवी सरस्वतीचे आवाहन करून त्याची बुद्धी भ्रमित केली. त्यामुळे त्याने सहा महिने झोपण्याचे वरदान मागितले. ब्रह्मदेव लगेच तथास्तू म्हणाले.


    कुंभकर्णविषयी श्रीरामचरितमानसमध्ये लिहिण्यात आले आहे की -
    अतिबल कुंभकरन अस भ्राता। जेहि कहुँ नहिं प्रतिभट जग जाता।।
    करइ पान सोवइ षट मासा। जागत होइ तिहुँ पुर त्रासा।।


    रावणाचा भाऊ कुंभकर्ण अतिशय बलवान होता. त्याच्याशी लढू शकेल असा योद्धा संपूर्ण विश्वात नव्हता. मदिरा प्राशन करुन तो सहा महिने झोपायचा. तो जेव्हा उठायचा तिन्ही लोकांत हाहाकार माजवायचा.
    जौ दिन प्रति अहार कर सोई। बिस्व बेगि सब चौपट होई।।
    कुंभकर्ण जर दररोज जेवला असता तर संपूर्ण सृष्टी नष्ट झाली असती. त्यामुळे ब्रह्मदेवांनी त्याची बुद्धी भ्रमित केली होती.

    तेव्हा कुंभकर्णाला खुप दुःख झाले होते
    कुंभकर्णाचा भाऊ रावणाने सितेचे अपहरण केले होते. तिला लंकेत बंदिस्त ठेवले होते. यामुळे रामाला वानरसेना घेऊन लंकेला यावे लागले होते. यावेळी कुंभकर्ण झोपलेला होता. रावणाचे अनेक सुरमा ठार झाल्यानंतर कुंभकर्णाला उठविण्यात आले. जेव्हा त्याला कळाले, की रावणाने सितेचे अपहरण केले त्याला खुप दुःख झाले.

    जगदंबा हरि आनि अब सठ चाहत कल्यान।
    तेव्हा कुंभकर्ण रावणाला म्हणाला, की अरे मुर्खा. तू जगत जननीचे हरण केले आहे. आता तुला कल्याण हवे आहे. तू श्रीरामाची माफी माग. सितेला परत कर. तेव्हाच रावण कुळ वाचू शकेल. त्यानंतरही रावण मानला नाही.

    कुंभकर्णाला नारदाने दिले होते तत्वज्ञान
    कुंभकर्णाला पाप-पुण्य आणि धर्म-कर्म याच्याशी काही देणेघेणे नव्हते. झोपेतून उठल्यावर त्याचा एक दिवस जेवण करण्यात आणि घडामोडी जाणून घेण्यात जायचा. रावणाच्या अधर्मी कृत्यात त्याचा सहभाग नसे. त्यामुळे स्वयं देवर्षि नारद यांनी कुंभकर्णाला तत्त्वज्ञानाचे धडे दिले होते.

    रावणाचा मान ठेवण्यासाठी झाला होता युद्ध करण्यास तयार
    श्रीराम साक्षात भगवान विष्णूचे अवतार आहेत. त्यांना युद्धात कुणीही हरवू शकत नाही, याची माहिती कुंभकर्णाला होती. पण रावण काही ऐकण्यास तयार नव्हता. त्यामुळे अनिच्छेनेच कुंभकर्ण युद्धाला तयार झाला. या जिवनातून मुक्ती मिळावी, यासाठी तो श्रीरामाशी लढला. यावेळी त्याच्या मनात रामाविषयी द्वेषभावना नव्हती.

Trending