आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

जाणून घ्या, तुमच्या राशीसाठी कसा राहील बुधवार

2 वर्षांपूर्वी
  • कॉपी लिंक

बुधवार 2 ऑक्टोबर रोजी विशाखा नक्षत्र असल्यामुळे प्रीती नावाचा शुभ योग जुळून येत आहे. या योगाच्या प्रभावामुळे 12 पैकी 7 राशीच्या लोकांना आज नशिबाची साथ मिळू शकते. या सात राशीच्या लोकांना जुन्या अडचणींमधून मुक्ती मिळेल. हे लोक आर्थिक व्यवहार आणि गुंतवणुकीमध्ये भाग्यशाली राहतील. कामामधील अडचणी दूर होतील. या व्यतिरिक्त इतर पाच राशींसाठी आजचा दिवस संमिश्र फळ देणारा राहील.

जाणून घ्या, तुमच्या राशीसाठी कसा राहील बुधवार...

 

मेष : शुभ रंग : स्ट्रॉबेरी | अंक : १                                                        
तरुणांनी आज हौसमौज करतानाही मर्यादेत रहावे.नितीबाह्य वर्तनाने प्रतिष्ठा धोक्यात येण्याची शक्यता आहे. वैवाहीक जिवनांत थोडी आदळआपट संभवते. 

वृषभ : शुभ रंग : क्रिम | अंक : २                                                 
कार्यक्षेत्रात एखाद्या मनासारख्या घटनेने तुमचा उत्साह वाढेल. महत्वाच्या वाटाघाटी करण्यासाठी आज दिवस अनुकूल आहे. विवाह जुळवण्यात मध्यस्ती कराल. 

मिथुन : शुभ रंग : डाळिंबी | अंक : ५                                                         
कामगारांच्या रास्त मागण्या वरीष्ठांकडून मान्य होतील.बेरोजगारांना रोजगार मिळेल. काही जुने आजार दार ठोठवाणार आहेत. आरोग्याच्या बाबतीत जागरुक रहा.


कर्क :  शुभ रंग : पांढरा | अंक
: ४                                                            
आज उच्च राहणी व उच्च विचारसरणी असे तुमचे धोरण असेल .चैनी व विलासी वृत्ती जोपासाल. प्रिय व्यक्तीच्या भावना जपण्याचा प्रयत्न कराल. प्रेमप्रकरणे छान रंगतील.  

सिंह : शुभ रंग : पिस्ता| अंक : ६                                                       
आज अनपेक्षितपणे हाती आलेला पैसा जाण्याचे मार्गही मोठेच असतील. बचतीस प्राधान्य देणे गरजेचे राहील.प्रेमप्रकरणे डोक्याला ताप देतील. गृहीणींना उसंत नाही. 

कन्या : शुभ रंग : हिरवा| अंक : ४                                 
आज शेजाऱ्यांशी मिळून मिसळून रहावे. नोकरीतही सहकारी वर्गाशी जळवून घ्यावे लागणारआहे. कुणाच्या भावना दुखावणार नाहीत याची काळजी घेणे गरजेचे.    

तूळ : शुभ रंग : राखाडी| अंक : ७                                                                                   
पैशाच्या बाबतीत काहीच कमी पडणार नाही. आज सुसंवादाने अनेक कामे सोपी होतील. भावंडात मात्र क्षुल्लक गोष्टींवरुन मतभेद हाेण्याची शक्यता आहे. 

वृश्चिक : शुभ रंग : राखाडी| अंक : ३ 
अथक प्रयत्नांच्या जोरावर ध्येयाकडे तुमची वाटचाल चालूच आहेच. आज तुमच्या काही अपुऱ्या स्वप्नांची पूर्तता होईल. महत्वाच्या कामासाठी भटकंती होईल.  


धनू :  शुभ रंग : मोरपंखी | अंक
: ८                                                                          
थोडीफार आर्थिक ओढाताण होईल. अनावश्यक खर्च कमी करुनच आज जमाखर्चाचा मेळ बसवावा  लागेल. एखाद्या धार्मिक कार्यात सहभाग घ्याल.    

मकर : शुभ रंग : आकाशी | अंक : २
आज काही दूरावलेले नातेसंबंध परत जवळ येतील. पूर्वीच्या अथक परिश्रमांचे फळ दृष्टीक्षेपात येईल. विवाहेच्छूकांना अपेक्षित स्थळांचे प्रस्ताव येतील. 

कुंभ : शुभ रंग : गुलाबी | अंक : ९                                                    
काही व्यावसायिक उद्दीष्टे पूर्ण करण्यासाठी अथक परिश्रमांची तयारी असायला हवी. आज कतृत्ववान व्यक्तींचा सहवास लाभेल. अत्यंत व्यस्त दिवस. 

मीन : शुभ रंग : जांभळा | अंक : १                                                                      
अत्यंत व्यस्त दिवस असून  नोकरीत अधिकार प्राप्त होणार आहेत. कामाचेही दडपण जाणवेल काही वाढीव जबाबदाऱ्या टाळता येणार नाहीत.