आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

नो निगेटिव्ह मंडेची 8 वर्षे:आनंदासाठी 3 गोष्टी सर्वात मौल्यवान ः कुटुंब, मित्र आणि आरोग्य

औरंगाबाद6 दिवसांपूर्वी
  • कॉपी लिंक
डॉ. रॉबर्ट वाॅल्डिंगर
एमडी, मानसशास्त्राचे प्राध्यापक, हार्वर्ड मेडिकल स्कूल - Divya Marathi
डॉ. रॉबर्ट वाॅल्डिंगर एमडी, मानसशास्त्राचे प्राध्यापक, हार्वर्ड मेडिकल स्कूल

आनंदाचे काही सूत्र आहे का... त्याचा काही पत्ता आहे का? या दोन कठीण प्रश्नांचे उत्तर आहे तुमचे मन. आनंद मनात असतो, तो बाहेर नव्हे, तर आत शोधण्याची गरज आहे.

आज नो निगेटिव्ह मंडेच्या वर्धापनदिनी विज्ञान व मानसशास्त्र आनंदाबद्दल काय म्हणतात, जीवन हा ऊर्जेचा सर्वात मोठा स्रोत कसा आहे हे वाचा...

डॉ. रॉबर्ट वाॅल्डिंगर एमडी, मानसशास्त्राचे प्राध्यापक, हार्वर्ड मेडिकल स्कूल

एखाद्याची खूप स्तुती नुसत्या टीकेने का वाया जाते का, याचा कधी विचार केला? शेवटच्या दिवशी एखाद्या छोट्याशा मुद्द्यावरून झालेल्या भांडणामुळे छान आणि अप्रतिम दीर्घ सुटीची मजा का नष्ट होते? अन्नाभोवती घिरट्या घालणारी माशी उत्तम अन्नाचा आनंद हिरावून घेते? याचे कारण म्हणजे आपला मेंदू नकारात्मक गोष्टी लवकर लक्षात घेतो. कृतज्ञता दाखवणे हाच उपाय आहे. दररोज तीन गोष्टी लिहा, ज्यासाठी तुम्ही आभारी आहात. यासह तुम्ही जीवनातील सकारात्मक गोष्टींवर लक्ष केंद्रित करण्यास सुरवात कराल. तेव्हाही आयुष्यात काही तरी सकारात्मक आहे असे वाटते, नाही तर ‘काउंटरफॅक्चुअल थिंकिंग’ अंगीकारा. त्यासाठी ‘असे नसेल तर’ सूत्राची मदत घ्या. यामध्ये तुम्हाला स्वतःला अशा गोष्टी विचारायच्या आहेत- तुम्हाला चांगला मित्र नसेल तर? खायला काहीच मिळत नसेल तर? तुमच्याकडे कृतज्ञ होण्यासारख्या अनेक गोष्टी आहेत असे वाटते? आपण आजारी किंवा दुःखात नसतो त्या दिवसांसाठी आपण कधीही आभारी नसतो. डोक्यावर छप्पर असताना पाऊस पडतो तेव्हा त्या रात्रींसाठी कधीही धन्यवाद म्हणत नाही. जीवनात नवा दिवस आणणाऱ्या पहाटेबद्दल कृतज्ञता व्यक्त करत नाही.

‘द हॅपिएस्ट मॅन आॅन अर्थ’ पुस्तकातून... एडी जाकू या जर्मन माणसाने वयाच्या १०० व्या वर्षी लिहिलेल्या ‘द हॅपिएस्ट मॅन ऑन अर्थ’ या पुस्तकात सांगितले होते की, तुम्ही आनंदी व्हाल की नाही हे परिस्थिती ठरवत नाही. तुमचा आनंद फक्त तुमच्यावर अवलंबून आहे. तुम्ही स्वतःला कसे आनंदी ठेवू शकता हे या ७ मंत्रांमधून जाणून घ्या...

जीवन सर्वात कठीण टप्प्यात असतानाच चमत्कार घडतात. तुमच्या कमकुवतपणावर विजय मिळवा, कारण फक्त कमजोरीच द्वेष शिकवते. दुःख वाढवते. मैत्री हे आत्म्यासाठी सर्वोत्तम औषध आहे, ते आयुष्यात कधीही सोडू नका. नैतिकता गमावली तर काहीच उरत नाही. मग आपण स्वत:ला गमावू. कुटुंबापेक्षा काहीही महत्त्वाचे नाही, त्याला अधिक महत्त्व द्या. आनंद पसरवा, गरजूंना शक्य तितकी मदत करा, देण्यापेक्षा मोठा आनंद नाही. परिस्थिती कशीही असो, आरोग्याशी तडजोड करू नका.

सोशल मीडियाच्या खोट्या मित्रांपासून अंतर आणि कमी खरेदी केल्यास मिळू शकतो आनंद लाॅरी सँटोस मानसशास्त्रज्ञ, येल युनिव्हर्सिटी, सायन्स ऑफ हॅपीनेसचे अध्यापन

मुलांना आनंदाचा धडा शिकवताना मी केव्हा बर्नआऊट झाले ते कळलेच नाही. दुःख, चिडचिड, थकवा यांसारखी लक्षणे दिसू लागली. मी ब्रेक घेतला आणि माझ्या पतीसोबत केंब्रिजला शिफ्ट झाले. आनंदाची प्रोफेसर असूनही मी बर्नआऊट कशी झाले, असा प्रश्न तुम्हाला पडला असेल तर तुम्ही काय करता ते सांगू? त्याचा याच्याशी काहीही संबंध नाही. बर्नआऊट कोणालाही होऊ शकते. मॅकेंझी हेल्थ इन्स्टिट्यूट सर्व्हे-२०२२ नुसार, अमेरिकेतील सुमारे ३०% कर्मचारी बर्नआऊट आहेत. आपले मनदेखील आपल्याला गोंधळात टाकते. अशा गोष्टी करण्यास प्रवृत्त करते, ज्यामुळे काही काळ आनंद मिळू शकतो, परंतु तो शाश्वत नाही. लोकांना वाटते की पैसा, दर्जा आणि चांगले ग्रेड आनंद देईल. पण विज्ञान सांगते की झोप, व्यायाम, चांगले खाणे-पिणे यामुळे आनंद मिळतो. तुमचा आनंद हिरावून घेणाऱ्या प्रत्येक गोष्टीवर तुमचे नियंत्रण नसते, पण स्वतःला आनंदी ठेवणे तुमच्या हातात असू शकते. स्वतःची वेगळी ओळख निर्माण करा. विशेषत: जी कामे तुम्हाला चांगली जमत नाहीत. याशिवाय नियमित फिरा आणि आपल्या प्रियजनांसोबत वेळ घालवा. सोशल मीडिया आणि अवाजवी खरेदी यांसारखे खोटे मित्र टाळा.

बातम्या आणखी आहेत...