जीवनमार्ग:जीवनात भक्ती आणा

दोन तासांचे वादळ वर्षानुवर्षांची घरे उद्ध्वस्त करते. अलीकडे एक बातमी आली - गर्भवती महिलांनी अगदी कमी प्रमाणातही दारू पिऊ नये. आता कुठे तरी दारू हानिकारक आहे हे ठरले आहे. दारूच्या बाजूने दावा करणारे, जगभरातून विज्ञानाचा आधार घेणाऱ्यांनी निदान आता तरी समजावे. दारूच्या नशेत राहणारे लोक सातत्याने गुन्हे करत आहेत. जगाचा मुद्दा सोडा, पण निदान आपल्या देशाच्या मातीत तरी नैतिक दारूबंदी केली पाहिजे. अल्कोहोलचा एक घोट तुमच्या शरीरात प्रवेश करतो आणि तुमच्या विश्वासावर हल्ला करतो, जो तुम्ही मोठ्या कष्टाने मिळवलेला असतो. फक्त गर्भवतींचा विचार केला तर आपण सर्व गर्भवती आहोत. आपणच आपल्या गर्भात आहोत. त्यामुळे आत्मा म्हणून आपण आपल्या पोटात असताना निदान अशी नशा तरी नसावी. जे अमली पदार्थ प्रतिबंधाच्या बाजूने सक्रिय आहेत त्यांना सहकार्य करा. स्वतःला समजावून सांगा. जगात नशा करण्यासाठी अनेक गोष्टी आहेत. दुसरे काही करू शकत नसाल तर तुमच्या प्रियजनांशी असलेले नाते व देवभक्तीची नशा करा.

पं. िवजयशंकर मेहता humarehanuman@gmail.com Facebook:Pt. Vijayshankar Mehta