आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

विश्वकप:फिफाच्या धमकीनंतर युरोपीय संघांनी कतारविरुद्धची मोहीम थांबवली

तारिक पांजा | दोहा, कतार2 महिन्यांपूर्वी
  • कॉपी लिंक

विश्वकप फुटबॉल टुर्नामेंटच्या सुरुवाती सामन्याच्या काही तास आधी फाइव्ह स्टार फेअरमोंट हॉटेलमध्ये युरोपीय फुटबॉल संघांचे पदाधिकारी एका महत्त्वाच्या बैठकीसाठी जमणार होते. ते कतारमध्ये सामन्यादरम्यान काही युरोपीय संघांच्या खेळाडूद्वारे वन लव्हचा संदेश देणारे रंगीत आर्मबँड घालण्याच्या महत्त्वाच्या मुद्द्यावर निर्णय घेणार होते. कतारमधील अल्पसंख्याक, समलैंगिक आणि कामगारांच्या मानवी हक्कांना पाठिंबा दर्शवण्यासाठी आर्मबँड घातले जाणार होते महासंघ आणि आंतरराष्ट्रीय फुटबॉल महासंघ (फिफा) च्या अधिकाऱ्यांमध्ये या मोहिमेविषयी अनेक महिन्यांपासून चर्चा सुरू होती. फीफा या विचारामुळे नाराज होती. मात्र जर्मनी, इंग्लंड, नेदरलँड्स, बेल्जियमसह अनेक युरोपीय संघ याच्या बाजुने होते. त्यामुळे एक मध्यमार्ग काढण्यात आला. त्या अंतर्गत संघ आर्मबँड बांधणार आणि नंतर फीफा नियम मोडले म्हणून संघांना दंड करणार. मात्र, २० नोव्हेंबरला सर्व काही बदलून गेले. फिफाच्या अधिकारी फात्मा सामोरो यांनी महासंघांना सांगितले की, त्यांचे आर्मबँड स्पर्धेच्या नियमांच्या विरोधात आहेत आणि यजमान कतार आणि इतर इस्लामिक आफ्रिकन देशांविरुद्ध चिथावणी देणारे म्हणून पाहिले जाईल. त्यामुळे परवानगी दिली जाणार नाही, असे समोराने सांगितले. ते ऐकून युरोपीय संघांचे अधिकारी स्तब्ध झाले आणि अशा प्रकारे आर्मबँड घालण्याची मोहीम बंद झाली. सप्टेंबमध्ये युरोपीय संघांनी योजनेची सार्वजनिक घोषणा केली होती. इंग्लंडचे कर्णधार हॅरी केन, नेदरलँड्सचे व्हर्जिल वान डीक आणि जर्मन गोलकीपर नेउर निवेदनात इच्छा व्यक्त केली होती. अनेक संघांनी त्यांच्या प्रशिक्षणाच्या ठिकाणी स्थलांतरित कामगारांसह कार्यक्रमांमध्ये भाग घेतला. अखेर फिफाच्या अधिकाऱ्यायांच्या धमक्यांचे यश आले. फिफाने युरोपियन महासंघांना सांगितले की, आर्मबँड घातलेल्या खेळाडूंना पिवळे कार्ड दाखवले जाईल. त्यांना एक सामन्यावर बंदी लागू शकते. या धमकीनंतर मोहीम रद्द करण्यात आली.

बऱ्याच महिन्यांपासून सुरू होती ही मोहीम इंग्लंड, नेदरलँड, डेन्मार्क, जर्मनी, बेल्जियम, वेल्स, स्वित्झर्लंड आणि विश्वचषक स्पर्धेसाठी पात्र न ठरलेले दोन देश- नॉर्वे, स्वीडन यांनी काही महिन्यांपूर्वीच आपली मोहीम सुरू करण्याचा निर्णय घेतला होता. या देशांमध्ये मानवी हक्क, स्थलांतरित कामगारांचे शोषण या संदर्भात कतारच्या विक्रमाबद्दल जोरदार मोहीम सुरू होती. यानंतर वन लव्ह आर्म्स बँडच्या माध्यमातून सर्वांना सोबत घेण्याचा संदेश देण्याची योजना आखण्यात आली.

बातम्या आणखी आहेत...