अग्रलेख:कमजोर आर्थिक विकासामुळे रोजगार कमी होतील

आरबीआयच्या चलनविषयक धोरण समितीच्या सदस्याने इशारा दिला आहे. त्यानुसार देशाचा आर्थिक विकास खूप कमकुवत राहील आणि युवकांची रोजगाराची मागणी पूर्ण करणे शक्य नाही. आयआयएम अहमदाबादचे प्राध्यापक सदस्यांचे म्हणणे आहे की, महागाई रोखण्यासाठी व्याजदर वाढवण्याच्या निर्णयामुळे गुंतवणूक व ग्राहक खर्च कमी होईल आणि चलन नियंत्रणामुळे मागणी कमी होईल. यामुळे आर्थिक व्यवहारात स्थिरता येईल. उदाहरण देत त्यांनी सांगितले की, व्याजदरातील वाढीमुळे ईएमआय वाढेल आणि तेव्हा खर्च करण्यासाठी लोकांकडे पैसे नसतील. भारतात तरुणांची संख्या जास्त आहे, ज्यांना रोजगाराची खूप गरज आहे आणि एमएसएमई क्षेत्र वाईट स्थितीत आहे. हे एकमेव क्षेत्र सर्वाधिक १२ कोटी रोजगार देते. दुसरीकडे शेती उत्पन्नात लागवडीचा खर्च जास्त असल्याने घट झाली आहे. सिच्युएशन अॅनालिसिस सर्व्हेनुसार शेतीतून उत्पन्न गेल्या आठ वर्षात घटले आहे आणि त्यांच्या उपजीविकेचे साधन शेती न राहून लहान लहान कारखाने वा बांधकाम मजुरी झाली. आता या क्षेत्रातील संकट त्यांना गावी परत येण्यास बाध्य करत आहे. सरकारने यंदा मनरेगाचे बजेट ९० हजार कोटींवरून घटवून ६० हजार कोटी केले आहे. त्याचा थेट परिणाम असेल मजुरांची वाईट अवस्था. सरकारने या सल्ल्यावर लक्ष न दिल्यास स्थिती बिघडू शकते