आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Opinion
  • Who Should Be Perfect At Work The Driver Or The Manager? | N. Raghuraman Artical

मॅनेजमेंट फंडा:कामात परिपूर्ण कोणी असायला हवे - ड्रायव्हर की व्यवस्थापक?

औरंगाबाद3 महिन्यांपूर्वी
  • कॉपी लिंक

या शुक्रवारी पीके डगराजची टॅक्सी मला जैसलमेरहून जोधपूरला घेऊन गेली. २८५ किमीचे हे अंतर कापण्यासाठी चार तास लागतात. मी पहाटे पाच वाजता टॅक्सी बोलावली. ती वेळेवर आली. अंधारात पहिली २० मिनिटे प्रार्थना केल्यानंतर, मी ड्रायव्हरला विचारले की तो मला १० वाजेपर्यंत पोहोचवेल का? रात्री १२ वाजता जोधपूरहून प्रवास सुरू केला आणि ठीक ४ वाजता जैसलमेरला पोहोचलो. परतीच्या प्रवासात तर दिवसाचा प्रकाशही असेल असे सांगून त्याने मला प्रभावित करण्याचा प्रयत्न केला. हे ऐकून मला धक्काच बसला, कारण तो विश्रांती न घेता गाडी चालवत होता. राजस्थानमधील रस्ते चांगले असले तरी वाटेत गुरेढोरे किंवा जंगली प्राणी रस्त्यावर येण्याची शक्यता असते. याशिवाय पायी जाणाऱ्या यात्रेकरूंची संख्याही या दिवसांत अधिक असते. मी असुरक्षित हातात असल्याचे मला समजेपर्यंत आम्ही शहरापासून ३५ किमी अंतरावर आलो होतो. माझ्याकडे डिझेल नाही, असे चालकाने सांगितल्याने परत जाण्याचा आणि दुसरे वाहन घेण्याचा माझा मनसुबा फसला.

सुदैवाने आम्हाला पेट्रोल पंप सापडला. पंपवाल्याला उठवण्याचा प्रयत्न केला. त्याला उठायला थोडा वेळ लागला, मग त्याने कॉम्प्युटर सुरू केला, पासवर्ड लिहिला, मग पंपिंग मशीन सुरू झाले. त्यात ३० मिनिटे गेली. मी अस्वस्थ झालो आणि ड्रायव्हरला सांगितले की ते लोक खूप बेजबाबदार आहेत. २५-२६ वर्षांच्या ड्रायव्हरला वाटले की त्याने एक रात्र न झोपून आपल्या मालकासाठी मोठा त्याग केला आहे. बेजबाबदार शब्द ऐकून तो हतबल झाला. आम्ही निघालो तेव्हा मी काही छान शब्द बोलून त्याला दिलासा देण्याचा प्रयत्न केला, पण त्याने डिव्हायडरला धडक दिली, टायर फुटला आणि गाडी थांबली. माझ्या बाजूने कारचे नुकसान झाले, परंतु आम्हाला दुखापत झाली नाही. आम्ही टायर बदलण्यासाठी खाली उतरलो. ड्रायव्हरकडे स्पेअर टायर होते, पण साधने नव्हती.

त्याने त्यांच्या कार्यालयात फोन केल्यावर त्यांनी तिकडून सांगितले की, अन्य ड्रायव्हर टूल्स घेऊन गेला आहे. आता आम्ही रस्त्याच्या मधोमध उभे राहून प्रत्येक वाहनाला हात दाखवून थांबवण्याचा प्रयत्न करत होतो. अखेर एक दुधाची व्हॅन तिथून गेली. त्यात लहान मुले होती, जी गावातील शाळेत जात होती. त्यांनी आम्हाला जॅक दिला, पण पाना आमच्या टायरच्या नटांना बसला नाही. आणखी दोन वाहने थांबली, पण नट जीर्ण झाल्यामुळे त्यांना पाना बसत नव्हता. मग माझ्या ड्रायव्हरने जुगाड केला आणि कापडात पाना अडकवून स्क्रू उघडले. शेवटी सकाळी १०.१५ ला जोधपूरला पोहोचलो. ड्रायव्हर मधेच गुटखा खाऊन तो थुंकतही होता. त्यामुळे गाडी उजवीकडे व डावीकडे हलत होती. देशात दर चौथ्या मिनिटाला एका व्यक्तीचा रस्ता अपघातात मृत्यू होतो. म्हणजे वाहन चालवण्याचे चांगले कौशल्य नसल्यामुळे दररोज ३६० लोक रस्ते अपघातात मरतात. रस्ता सुरक्षा उपायांचा अवलंब केल्यानंतर, आता हा आकडा वार्षिक १.५ लाखांवरून १.३१ लाखांवर आला. संयुक्त राष्ट्राच्या रस्ते सुरक्षा परिषदेनुसार, जगभरातील रस्ते अपघातांत दरवर्षी १३.५ लाख लोकांचा मृत्यू होतो.

फंडा असा आहे की व्यवस्थापक काम करत असतानाही काही कौशल्ये शिकू शकतो, कारण त्याच्या चुकांमुळे कंपनीच्या कमाईचे थोडे नुकसान होईल. पण ड्रायव्हरच्या चुकीमुळे कोणाचा तरी जीव जाऊ शकतो. चालकाला आपले काम व्यवस्थापकापेक्षा कितीतरी चांगले करता आले पाहिजे.

एन. रघुरामन, मॅनेजमेंट गुरू

[raghu@dbcorp.in]

बातम्या आणखी आहेत...